Свет3636

«Трамп і Вэнс хацелі прынізіць Зяленскага. Вось чаму яны зладзілі прамую трансляцыю гэтага відовішча»

Трамп і Вэнс «завабілі Зяленскага ў пастку». Эксперты па-ранейшаму шукаюць адказы, што ж адбылося ў Белым доме паміж лідарамі ЗША і Украіны. 

Віцэ-прэзідэнт Джэй Дзі Вэнс размаўляе з прэзідэнтам Украіны Уладзімірам Зяленскім, калі прэзідэнт Дональд Трамп слухае ў Авальным кабінеце ў Белым доме, 28 лютага 2025 г., Вашынгтон. Фота: AP Photo / Mystyslav Chernov

Сустрэча прэзідэнта ЗША Дональда Трампа з Уладзімірам Зяленскім у Авальным кабінеце стала гучным скандалам. Многія аналітыкі ў заходніх краінах упэўненыя, што гэта была загадзя спланаваная акцыя, мэта якой была ў публічным прыніжэнні ўкраінскага лідара, піша Bild.

У прыватнасці, прафесар міжнароднай палітыкі Томас Егер мяркуе, што «скандал быў інсцэніраваны», а Вашынгтон з самага пачатку рыхтаваў Зяленскаму пастку.

Адным з галоўных дзейных асоб стаў Джэй Дзі Вэнс — віцэ-прэзідэнт і найбліжэйшы паплечнік Трампа. Яго жорсткія выказванні на Мюнхенскай канферэнцыі па бяспецы раней ужо выклікалі абурэнне ў Еўропе.

«Трамп і Вэнс хацелі прынізіць Зяленскага. Вось чаму яны зладзілі прамую трансляцыю гэтага відовішча. Спачатку яны яго дражнілі, а потым укусілі», — адзначыў Егер у размове з BILD.

У якасці прынады, паводле яго слоў, выкарыстоўвалася магчымае пагадненне з Украінай па пастаўках рэдказямельных металаў, але, па словах эксперта, сапраўднай мэтай было павышэнне ўзроўню падтрымкі прарасійскага курсу Трампа ў ЗША.

Трамп, мяркуе Егер, спрабуе пераканаць амерыканцаў, што Украіна «нявартая» далейшай дапамогі, бо нібыта паводзіць сябе няўдзячна. Пакуль гэтая ідэя сустракае супраціў у ЗША, але сярод прыхільнікаў Трампа ўжо выклікае захапленне.

«Трамп у цяперашні час падрывае дамінуючае становішча ЗША ў міжнароднай палітыцы. Але ён адштурхнуў ад сябе ўсіх хаўруснікаў, якіх Злучаныя Штаты набылі за апошнія 80 гадоў», — дадаў Егер.

Пакуль што Трамп упэўнена ідзе па шляху збліжэння з Уладзімірам Пуціным, але Егер скептычна ацэньвае яго перспектывы.

«Трамп мяркуе, што знайшоў у Пуціне сябра, але той яго проста выкарыстоўвае», — падкрэсліў экспэрт.

Каментары36

  • Маечня
    02.03.2025
    [Рэд. выдалена]
  • Янка
    02.03.2025
    Усё зразумела. Трампу патрэбны мір тут і зараз - абы прасцей і танней, безадносна да таго, ці будзе гэта вольная краіна, альбо ці будзе гэта створаны акупантамі канцлагер, дзе будуць "мірна" вынішчаць украінцаў. То бок ня бомбамі, а пісталетам у патыліцу. Што будзе праз некалькі год - Трампа не турбуе. Кавалерыйскім налётам націснуць на Пуціна не атрымалася, таму вырашылі брудна ціснуць на Зяленскага.
  • Andrew
    02.03.2025
    Трамп особь, лишенная всяческих моральных и человеческих принципов и ценностей!

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

«Я амаль заўсёды ў дарозе». Гісторыя бяздомнай беларускі, якая жыве ў падарожжах9

«З залатой бульбы». Беларуска знайшла дранікі за 32 рублі1

Арына Сабаленка не прайшла ў фінал Уімблдона4

У Літве расказалі, чаму не збівалі дрон, які заляцеў да іх з Беларусі4

Сенсацыйнае адкрыццё: звычайны сіроп ад кашлю абараняе ад дэменцыі

З-за непагадзі Мінск перажывае вялікія транспартныя складанасці

Марка Рубіа выказаў расчараванне пасля сустрэчы з Лаўровым1

Кавалеўскі патлумачыў, за які дыялог паміж грамадствам і ўладамі ён выступае13

Дуда прасвяціў Зяленскага адносна Валынскай трагедыі. Той пра яе не ведаў18

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць