Запрацаваў электронны запіс на прастаўленне апастылю на сайце Мінадукацыі. Але рэалізацыя працэдуры насцярожвае
Раней анансаваная электронная сістэма запісу для падачы дакументаў на прастаўленне апастылю і папярэдняе засведчванне для консульскай легалізацыі з 3 сакавіка запрацавала на афіцыйным сайце Мінадукацыі. Аднак цяперашняя рэалізацыя працэдуры выклікае шэраг пытанняў, піша тэлеграм-канал «Учительская».
Пры запаўненні формы абітурыенту трэба падаць наступную інфармацыю:
- від аказання паслугі (апастыляванне ці папярэдняе засведчванне);
- прозвішча, імя ўладальніка дакумента;
- від дакумента, якія падаецца, і ягоны нумар;
- дата і час для падачы дакументаў (іх трэба выбраць з наяўных).
Здавалася б, нічога складанага, але тэлеграм-канал «Учительская» звяртае ўвагу, што па стане на гэты момант сістэма адводзіць на падачу дакументаў для аднаго чалавека 30 хвілін. Таму з улікам цяперашняга графіка працы Дэпартамента кантролю якасці адукацыі падаць дакументы змогуць максімум 4-5 кліентаў у дзень.
Акрамя таго, запісацца на падачу можна толькі ведаючы нумар дакумента, што пазбаўляе цяперашніх выпускнікоў магчымасці зрабіць гэта загадзя.
«Таму, калі графік працы Дэпартамента застанецца такім жа самым, як цяпер, то за ўвесь летні перыяд падаць дакументы змогуць толькі каля 310 чалавек, і тут гаворка ідзе пра ўсё (атэстаты, пасведчанні, дыпломы і іншае). І, думаем, вы разумееце, якая прастора для карупцыі ствараецца ў такіх умовах», — адзначае «Учительская».
Спадзяванне толькі на тое, што ўсё ж такі ў цяперашнюю сістэму будуць унесеныя нейкія праўкі.
Да 31 сакавіка ўключна, дарэчы, будзе даступная і ранейшая сістэма запісу непасрэдна ў Дэпартаменце кантролю якасці адукацыі. Графік працы можна ўдакладніць па спасылцы.
Мінадукацыі ўводзіць электронную чаргу на апастыль
Беларуску пад міжнароднай абаронай адлічылі з польскай паліцэальнай школы, бо яна не змагла пацвердзіць атэстат
«Параілі да снежня здаць ЦТ у Беларусі, інакш адлічаць». Беларусы, якія паступілі ў польскія ВНУ, не могуць вучыцца
«У ZUS акруглілі вочы: яны ніколі пра такое не чулі». Як беларусы пераводзілі пенсію з Беларусі ў Польшчу
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары