Свет33

Трамп заявіў, што ягоныя прадстаўнікі едуць у Расію «проста цяпер»

Паводле слоў прэзідэнта ЗША, у заключэнні перамір'я ў вайне ва Украіне «цяпер усё залежыць ад Расіі». А ЗША, маўляў, атрымалі «некаторыя пазітыўныя паведамленні аб спыненні агню».

Дональд Трамп. Фота: Andrew Harnik / Getty Images

«Мы ўсе працуем, каб гэта скончылася. Гэта вар'яцтва з-за нічога. Думаю, ёсць шанец дасягнуць гэтага. Палова — гэта спыненне агню, калі мы даможамся, каб Расія перастала, услед пойдзе поўнае спыненне агню. І я думаю, да вайны гэта ніколі не вернецца», — заявіў Дональд Трамп.

«У Расіі няма выхаду, акрамя спынення агню. Калі спатрэбіцца, мы накладзем санкцыі, але я спадзяюся, што нам гэта не спатрэбіцца.

У фінансавым сэнсе мы можам зрабіць вельмі непрыемныя, вельмі кепскія рэчы, разбуральныя для Расіі, але я не хачу гэтага», — сказаў прэзідэнт ЗША.

Таксама ў Белым доме паведамілі, што дарадца Трампа па нацыянальнай бяспецы Майк Уолц 12 сакавіка правёў тэлефонную размову з «расійскім калегам». З кім менавіта ён меў зносіны, у амерыканскай адміністрацыі не ўдакладнілі. А спецыяльны пасланнік Трампа Стывен Уіткаф падчас візіту ў Маскву мае намер «пераканаць» Расію падпісаць пагадненне аб спыненні агню ва Украіне.

Прадстаўніца Міністэрства замежных спраў Расіі Марыя Захарава пракаментавала заявы Трампа аб адпраўцы дэлегацыі ў Расію словамі, што «мы не выключаем кантакты з прадстаўнікамі ЗША цягам найбліжэйшых некалькіх дзён».

Раней прадстаўнік Крамля Дзмітрый Пяскоў пацвердзіў, што расійскі і амерыканскі бакі плануюць кантакты на гэтым тыдні. Паводле яго слоў, Масква ўважліва вывучае заявы па выніках сустрэчы ў Джыдзе, але пакуль не атрымлівала ад ЗША неабходную інфармацыю пра сутнасць перамоў.

Паводле даных ад крыніц агенцтва Bloomberg, прэзідэнт Расіі Уладзімір Пуцін, верагодна, пагодзіцца на магчымыя ўмовы перамір'я з Украінай, аднак ён хоча загадзя пераканацца, што і ягоныя ўласныя ўмовы будуць уключаны ў пагадненне. Пакуль што расійскія афіцыйныя асобы не абмяркоўвалі са сваімі амерыканскімі калегамі канкрэтнае пагадненне, на якое ўкраінская дэлегацыя пагадзілася падчас перамоў у Саудаўскай Аравіі.

Суразмоўцы агенцтва таксама сцвярджаюць, што Пуцін, хутчэй за ўсё, паспрабуе зацягнуць тэрміны дасягнення пагаднення, каб забяспечыць Маскве максімальна выгадныя ўмовы. Адна з крыніц расказала, што Крэмль можа запатрабаваць спынення паставак зброі Украіне ў якасці ўмовы спынення агню.

11 сакавіка ў Джыдзе ў Саудаўскай Аравіі адбыліся перамовы прадстаўнікоў Кіева і Вашынгтона. Украінскі бок прыняў прапанову ўвесці 30-дзённы рэжым спынення агню, калі на гэта пагодзіцца Расія. Пасля сустрэчы ЗША заявілі аб аднаўленні паставак зброі і аднаўленні абмену разведвальнай інфармацыяй.

Офіс прэзідэнта Украіны заявіў, што абмеркаванне дэталяў часовага спынення агню пачнецца пасля 17 сакавіка.

Каментары3

  • Filipp
    12.03.2025
    Да прыбудзе з табой сіла Трамп, цяпер пара прымушаць Маскву да міру!
  • Doge style
    12.03.2025
    Filipp, задраў ужо сваю спадніцу перад сваім правадыром?
  • Драмп
    13.03.2025
    Filipp, лгбт? Мекс?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу9

«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу

Усе навіны →
Усе навіны

З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету9

Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі2

Беларускі турыст знойдзены мёртвым у возеры Шален у Бургундыі

«Хто ты? Дзе Арына? Што ты з ёй зрабіла? Куды дзеліся бровы?» Заўзятары весела абмяркоўваюць новы лук Сабаленкі18

Генсакратар НАТА: Усе краіны, уключаючы ЗША, цалкам прыхільныя падтрымцы Украіны8

«За дзевяць дзён ніводнай цэлай канапы, смурод страшэнны». Мінчанка пра тое, як нельга выбіраць кватарантаў3

Улады Ірана схапілі сотні чалавек па падазрэнні ў шпіянажы на Ізраіль. Пяцёра ўжо пакараныя3

Памёр сацыёлаг Мікола Кацук2

«Я ледзь пазнала Сяргея». Ціханоўская расказала, як змяніўся муж за гады ў турме, і адказала крытыкам ягоных эмоцый12

больш чытаных навін
больш лайканых навін

«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу9

«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу

Галоўнае
Усе навіны →

Заўвага:

 

 

 

 

Закрыць Паведаміць