Падлетак з Круглага перапісваўся з мужчынамі, прыкідваючыся дзяўчынай
Суд Круглянскага раёна разгледзеў справу ў дачыненні да непаўналетняга мясцовага жыхара, які абвінавачваецца ў махлярстве праз інтэрнэт.
Хлопец размясціў у тэлеграм-чаце знаёмстваў анкету, напісаную ад асобы неіснуючай дзяўчыны. Неўзабаве ў яе здарыўся мэтч з адным з мужчын.
Падчас перапіскі пара дамовілася пра сустрэчы ў Віцебску, а пасля падлетак пераканаў мужчыну пералічыць яму на карту грошы нібыта для аплаты праезду і ежы. У выніку даверлівы суразмоўца зрабіў дзевяць пераводаў на агульную суму 321 рубель.
У судзе падлетак цалкам прызнаў сваю віну. Суд улічыў яго раскаянне і добраахвотнае пакрыццё шкоды, што стала змякчальнай акалічнасцю.
Аднак хлопца ўсё роўна прызналі вінаватым паводле ч. 1 арт. 209 КК і прысудзілі абмежаванне свабоды вольнага часу тэрмінам на 3 месяцы. У гэты перыяд падлетку забаронена знаходзіцца па-за домам з 22:00 да 06:00. Таксама ён абавязаны рэгулярна адзначацца ў органах, якія кантралююць паводзіны непаўналетніх.
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары