Грамадства 2 2

Nashaniva.com

22.05.2025 / 17:16

Беларуска ў Польшчы пазнаёмілася з аргенцінцам і паехала да яго на радзіму. Ён аказаўся сямейным тыранам

Паліцыя Аргенціны выратавала ад хатняга тырана беларуску Аляксандру М. і яе дачку Эмілі. Малады чалавек, з якім у беларускі завязаўся раман, адабраў у дзяўчыны тэлефон і хаваў яе нават ад знаёмых. Па гісторыю вызвалення беларускі піша Most на падставе паведамленняў аргенцінскай прэсы.

З Маркасам М. Аляксандра пазнаёмілася ў Польшчы. Малады чалавек (ён на два гады маладзейшы за беларуску) працаваў на той жа фабрыцы, у яе ў падначаленні. У іх завязаўся раман, а праз нейкі час Маркас прапанаваў дзяўчыне пераехаць да яго ў Аргенціну. У пары нарадзілася дачка Эмілі.

Спачатку пара прыляцела ў Буэнас-Айрэс, але адтуль пераехала ў сталіцу правінцыі Чака, горад Рэсістэнсіа. Там Маркас змяніўся. Калі ў Польшчы ў маладых людзей бывалі невялікія сваркі, то ў Аргенціне Маркас стаў дэманстраваць агрэсію: адабраў у дзяўчыны тэлефон, біў яе, а затым перастаў дазваляць выходзіць з дому.

Як піша выданне La Voz, калі хтосьці са знаёмых прыходзіў у дом, Аляксандра павінна была сядзець у пакоі. Збегчы яна баялася, а з улікам моўнага бар'ера ўрэшце апынулася ў поўнай ізаляцыі.

Пакуты доўжыліся паўтара года, а дапамога прыйшла нечакана. Суседка ўбачыла, як Аляксандра плача ў двары, і патэлефанавала на гарачую лінію для ахвяраў гендарнага гвалту.

У дом прыехала паліцыя. У той дзень Аляксандра была з дачкой, яе партнёр гуляў у камп'ютарныя гульні. Беларуску адвезлі ў бяспечнае месца. Маркаса падазраюць у незаконным пазбаўленні волі. Яго папярэдне арыштавалі на 10 дзён, мужчыну можа пагражаць ад двух да шасці гадоў зняволення.

Аляксандра з маленькай дачкой ужо вылецелі ў Беларусь.

«Я мару даць сваёй дачцэ добрае жыццё. Дом, месца для гульняў. І навучыць яе правільна выбіраць таго, хто будзе побач», — прыводзіць словы Аляксандры La Voz.

Чытайце яшчэ

Каментары2

Д

22.05.2025

Дурніца
**

22.05.2025

Наступны кавалер з Пакістану і прыпынак Пакістан.
Там 4 сцяны ў дыванах, паранджа і бязун на сцяне. Без ўсякіх правоў для жанчын.

Цяпер чытаюць

Беларускі аналітык параўнаў словы Мерца са словамі Кенэдзі

Пяткевіч прыйшла да Лукашэнкі ў пінжаку люксавага амерыканскага брэнда9 9

Лукашэнка прызнаўся, што цяпер надта цяжка збыць беларускае масла5 5

Ці выпадкова падзенне агульначалавечага ўзроўню інтэлекту супала з распаўсюджваннем інтэрнэту?2 2

Памятаеце палітвязня Вітухноўскага, які пайшоў ваяваць за Расію? Ён ужо загінуў6 6

У сейм Польшчы ўнеслі законапраект, які ўскладняе атрыманне грамадзянства. Ён можа закрануць многіх беларусаў4 4

Украінскі беспілотнік ударыў па маскоўскім парку «Патрыёт»5 5

Пераможца сёлетняга «Еўрабачання» хоча, каб наступнае прайшло без удзелу Ізраіля7 7

Трамп паведаміў еўрапейцам, што Пуцін не гатовы спыніць вайну22 22

Рускамоўная пісьменніца выйшла замуж за беларуса і склала незвычайны слоўнічак ягоных слоў, якіх ніколі раней не чула21 21

Памятаеце палітвязня Вітухноўскага, які пайшоў ваяваць за Расію? Ён ужо загінуў6

Грамадства6

Памятаеце палітвязня Вітухноўскага, які пайшоў ваяваць за Расію? Ён ужо загінуў

Пяткевіч прыйшла да Лукашэнкі ў пінжаку люксавага амерыканскага брэнда9 9

Рускамоўная пісьменніца выйшла замуж за беларуса і склала незвычайны слоўнічак ягоных слоў, якіх ніколі раней не чула21 21

У сейм Польшчы ўнеслі законапраект, які ўскладняе атрыманне грамадзянства. Ён можа закрануць многіх беларусаў4 4

Што з цэнамі і выбарам бульбы ў суседніх Польшчы і Літве3 3