На дзяржаўным ТБ даводзяць, што мігранты ў Беларусі дысцыплінаваныя, а таксістаў-замежнікаў няшмат
Аляксандр Лукашэнка нядаўна падпісаў указ аб павышэнні ролі наймальнікаў пры прыёме на працу замежнікаў. Наймальнікі павінны кантраляваць жыццё такіх работнікаў — аж да таго, ці парадак у кватэры. На дзяржаўным ТБ цяпер даводзяць, што ўсё замежнікі ў краіне — вельмі дысцыплінаваныя.
З лістапада мінулага года ў Беларусі дзейнічае адзіны рэестр перавозчыкаў. У Магілёўскай вобласці афіцыйна таксістамі зарэгістраваліся звыш 2000 чалавек. Сярод іх толькі дзясятак замежнікаў: расіяне, туркмены, італьянец. У 2024 годзе замежныя таксісты ў Магілёве сталі віноўнікамі толькі аднаго ДТЗ, расказваюць у сюжэце СТБ.
Днямі транспартная інспекцыя ў Магілёве ўпершыню за год спыніла таксіста-мігранта — грамадзяніна Туркменістана. Прычыны — адсутнасць сертыфіката аб навучанні, страхоўкі і апазнавальных «шашачак». Кіроўца атрымаў папярэджанне, а яго працадаўца — штраф у 300 базавых велічынь.
Трэба адзначыць, што мінчукі казалі пра тое, што таксістаў-замежнікаў у апошні год паболела.
У сюжэце расказваюць пра некаторых замежнікаў, якія працуюць у Магілёве таксістамі. Адзін з іх — з Грузіі і жыве ў нашай краіне з 2000 года. Іншы — Амос Апануром — мае нігерыйскія карані. Ён жыве ў Беларусі 35 гадоў. Жонка — беларуска. Трое дзяцей і двое ўнукаў. Працуе будаўніком і таксістам.
«З іншых краін я не бачу. Я пакуль адзіны такі тут. Я адчуваю сябе добра. З любым беларусам мы заўсёды знойдзем агульную мову, якія б ні былі абставіны, у мяне да іх наогул прэтэнзій, пытанняў няма», — расказаў ён.
-
Блогер з Гродна, якога абвінавацілі ў махлярстве на грашах для хворага дзіцяці, у інстаграме пракаментаваў сваю справу
-
МЗС Беларусі паведаміў, калі адкрыецца мяжа для літоўскіх грузавікоў
-
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?
Цяпер чытаюць
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?1
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары