Аўто1313

«Месца беларусаў, якія працуюць у таксі нелегальна, занялі замежнікі. Пасажыры скардзяцца»

Пасля ўвядзення з 1 лістапада рэестру перавозчыкаў у таксі не толькі выраслі цэны, але заўважны і іншыя змены.

Рынак таксі пасля 1 лістапада зазнаў змены. Фота: av.by.

Пра тое, што сярод таксістаў стала больш замежнікаў, кажуць і пасажыры, і кіроўцы, піша av.by.

— Месца беларусаў, якія працуюць у таксі нелегальна, занялі замежнікі. «Яндэкс» часта аддае ім заказы. Пасажыры скардзяцца ўжо не на цэны, плюс тыя паціху пачынаюць падаць, а менавіта на цемнаскурых за рулём. І таму ёсць аб'ектыўныя прычыны: такія шафёры рэзка водзяць, не ведаюць горад, парушаюць правілы дарожнага руху.

Усё часцей ад людзей я чую пытанне: «Што ў вас там у «Яндэксе» адбылося?» І не ведаеш, што ім адказваць… — падзяліўся адзін з кіроўцаў «Яндэкса».

На таксістаў-мігрантаў увагу рашылі звярнуць і ў ДАІ. Мінскія даішнікі паведамілі, што праводзяць рэйды па выяўленні парушэнняў ПДР, у тым ліку і замежнікамі, якія працуюць кіроўцамі сэрвісу «Яндэкс Таксі».

А што з цэнамі пасля новых правіл для таксі? У сярэднім назіраецца плюс 20% да ранейшай цаны. Больш за ўсё падаражэлі паездкі на кароткія дыстанцыі.

Такімі лічбамі маніторынгу дзеліцца старшыня Асацыяцыі прафесійных перавозчыкаў Кацярына Станкевіч.

— «Кароткае плячо» павялічылася ў цане на 40%. Прывяду прыклад. Калі раней з Бараўлянаў да «Экспабела» можна было даехаць за 7-8 рублёў, то цяпер сума вырасла амаль удвая. Маршрут звыш 7-8 кіламетраў будзе таннейшым. З тых жа Бараўлянаў да Серабранкі я да 1 лістапада даязджала за 34 рублі, цяпер — за 36. Невялікая розніца, — кажа Станкевіч.

Таксісты ў сваю чаргу радуюцца, што зніклі заказы «ад крамы да дома». Цяпер яны сталі ў разы даражэйшыя, і людзі аддаюць перавагу прайсціся пешшу.

Дырэктар «Таксі 135 Сталіца» Алег Радкевіч кажа, што з 1 лістапада колькасць супрацоўнікаў, якія штодня выходзяць на лінію, зменшылася ў два разы. А сярэдні чэк за паездку ў іх вырас на 25-30%

Але мяркуецца, што цэны пасля супакояцца. Кацярына Станкевіч лічыць, што хутка вызваленую нішу зоймуць новыя гульцы або буйныя перавозчыкі пашыраць свой аўтапарк. І да студзеня ўбачым, што цэны вышэйшыя за летнія толькі на 5-7%, а ў наступным годзе яны могуць упасці.

Каментары13

  • бабруйчанін
    16.11.2024
    ))) левакі правакі )) Роўныя магчымасці вудка рыбка
    Манаполіі транснацыанальныя карпарацыі паўсюль спачатку дэмпінгуют выціснут мясцовых завезут " кітайцеў 100 замест 140 беларусаў" і аля улю
    Чыноўнікі улады ..." лабіруют" ні усведамляют праз нейкі час іх таксама зменят Караевы энд пападупалос .Як у фуболе ))
    Памятаю у зборнай Францыі 30 40 год таму толькі Тігана быў побач з Платіні энд к.))))
  • Используйте репрессии
    16.11.2024
    Просто вызывайте ГАИ на таких и просите отобрать права, аргументируя это тем что человек не знает правил дорожного движения
  • Ален Дылдон
    16.11.2024
    Ў Кіеве кожны трэці кіровец Uber, Bolt гэта іншаземец (з сярэдняй Азіі, з Афрыкі і г.д) ніколі не сустракаў з імі праблем. Толькі прыемныя уражанні што і выражалася ў памеры чаявых.

Цяпер чытаюць

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі14

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі

Усе навіны →
Усе навіны

У чэрвені па ўсёй Беларусі будуць ладзіцца бясплатныя экскурсіі3

Улады рыхтуюцца нацыяналізаваць аўтамабільны завод «Юнісон»

Буры адказаў Азараву пра агента Мішчука: Ён ніколі не працаваў у АВВА і ні да якой сакрэтнай інфармацыі доступу не меў6

Ціханоўская падтрымала пазіцыю Зяленскага аб немагчымасці правядзення перамоў у Мінску10

У Літве высветлілі, што дапамогу, прызначаную бежанцам з Украіны, атрымлівалі і людзі з іншых краін. Сярод іх ёсць і беларусы1

Маці траіх дзяцей просіць Лукашэнку вярнуць іх з прытулку. Чыноўнікі патлумачылі, чаму ў яе не атрымалася

Іспанія дамагаецца прызнання каталонскай мовы ў ЕС: Брусэль тармозіць працэс

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

больш чытаных навін
больш лайканых навін

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі14

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі

Галоўнае
Усе навіны →

Заўвага:

 

 

 

 

Закрыць Паведаміць