Лукашэнка загадаў адрэгуляваць правілы прадастаўлення і выкупу арэнднага жылля
Пытанне прадастаўлення арэнднага жылля павінна стаць адным з прыярытэтаў на пяцігодку, заявіў Аляксандр Лукашэнка на нарадзе з кіраўніцтвам урада 29 мая, піша БелТА.
Па яго словах, гэта асабліва важна для невялікіх населеных пунктаў (да 20 тыс. чалавек) і будзе добрым стымулам для людзей.
«Прынцып не складаны: адпрацаваў пэўную колькасць гадоў, дапусцім 10 або 15, без перапынку ў арганізацыі, якая табе прадаставіла жыллё ў арэнду, тады атрымліваеш права выкупіць яго ва ўласнасць. Гэта прынцыповае пытанне, па якім вельмі шмат дыскусій. І людзі ставяць перад намі гэтае пытанне, — сказаў Лукашэнка.
— Тое ж самае з выкупам арэнднага жылля на вёсцы, якое ўжо сур’ёзна фізічна зношанае, не адпавядае санітарным і тэхнічным патрабаванням. Дзіўна, але сёння ў такіх дамоў фактычна няма гаспадарскай рукі. З аднаго боку — арганізацыя, на балансе якой яны лічацца. Яна і павінна праводзіць капітальны рамонт, як у нас гэта прынята, адзін раз у 30 гадоў. З другога — наймальнік, які жыве, а ў бягучы рамонт укладвацца не спяшаецца або эканоміць. Бо жыллё ж не сваё. Вось і разбураецца гэтае жыллё патроху».
Па краіне такіх дамоў каля трох-чатырох тысяч. Штогод на іх рэнавацыю патрабуецца больш за 10 млн рублёў. «А між тым у насельніцтва ёсць запыт: калі прадасць ім гэтае жыллё, дом, дзяржава — яны яго адрамантуюць. Але пры гэтым патрэбны зразумелыя ўмовы. І мы павінны іх вызначыць для людзей», — запатрабаваў Аляксандр Лукашэнка.
«Таксама ёсць меркаванне: дастаткова правесці разавую рэвізію такога жылля (напрыклад, да 1 ліпеня) і прадаваць толькі яго. Для чаго такія абмежаванні? Якая з іх карысць? Што будзеце рабіць з дамамі, якія працягваюць старэць і праз год-другі па іх спатрэбяцца новыя працэдуры?» — абазначыў шэраг пытанняў Лукашэнка.
Ён падкрэсліў, што рашэнні павінны быць сістэмнымі і аднолькава прымальнымі для людзей і эканомікі рэгіёна, асабліва ў кантэксце замацавання кадраў.
«Можа, дом мэтазгодна маладому спецыялісту дзесьці ў мядзведжым вуглу, як у нас кажуць (хоць у Беларусі ўжо такіх няма), і падарыць. Дарма аддаць. Магчыма, у каго ёсць альтэрнатыўнае меркаванне, давайце абмяркуем. Я думаю, мы можам гэта абмеркаваць. І яшчэ. На дадзены момант вы прапануеце падзяліць гэтыя пытанні на два ўказы. Не ведаю. Спецыялісты тут ёсць. Можа быць, разумней зрабіць адзін усеахопны дакумент, і чалавеку, які прымае рашэнне па дадзеным пытанні, будзе прасцей», — дадаў ён.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі5
Каментары
Министерство внутренних дел (571 квартира)
Министерство обороны (1390 квартир)
Министерство по чрезвычайным ситуациям (192 квартиры)
Комитет государственной безопасности (132 квартиры)
Государственный комитет судебных экспертиз (16 квартир)
Государственный пограничный комитет (356 квартир)
Следственный комитет (127 квартир)
Внутренние войска МВД (149 квартир)
Департамент исполнения наказаний МВД (65 квартир)
Департамент охраны МВД (210 квартир)
Департамент финансовых расследований КГК (28 квартир)
Оперативно-аналитический центр при Лукашенко (5 квартир)
Служба безопасности Лукашенко (45 квартир)
Итого: 3286 квартир для силовиков от Лукашенко.
Где деньги, Александр?