Каардынатар Руху «За Свабоду» па Гродзенскай вобласці заяўляе, што супраць яго КДБ рыхтуе правакацыю.
Каардынатар Руху «За Свабоду» па Гродзенскай вобласці Алесь Зарэмбюк заяўляе, што супраць яго КДБ рыхтуе правакацыю.
Па словах палітыка, пасля таго, як яго зарэгістравалі кандыдатам у дэпутаты абласнога і раённых саветаў, да ягонай асобы пачалі праяўляць інтарэс прадстаўнікі спецслужбаў.
«Прыязджаюць у Масты 2‑3 чалавекі з Гродзенскага КДБ. Маладыя хлопцы, прыкладна майго ўзросту, — кажа А.Зарэмбюк. — Тэлефануюць з зашыфраваных нумароў розным людзям і выклікаюць на гутаркі. Размовы праходзяць у будынку раённай пракуратуры па адрасе вуліца Савецкая, 15. Ніякіх позваў не выпісваюць. Ці прыходзяць уласна на працу»
Зарэмбюк кажа, што «чэкістаў» цікавіць ягоная асоба.
У людзей яны дапытваюцца, ці ўжывае Алесь наркотыкі, ці можа імі гандлюе. «Адной дзяўчыне пагражалі звальненнем, калі яна не падпіша паперу, што я яе згвалтаваў.Людзі, якіх дапытвалі кадэбісты, баяцца называць свае прозвішчы. Зразумець іх можна, бо я ім працы не знайду», — працягвае палітык.
«Я думаю, што такім чынам мяне хочуць дыскрэдытаваць перад выбарамі. Рыхтуецца нейкая правакацыя», — кажа А.Зарэмбюк.
Каментары