Трамп неанансавана перагаварыў з Пуціным: Пуцін сказаў, і вельмі рашуча, што яму давядзецца адказаць на атаку па аэрадромах
У тэлефоннай размове палітыкі абгаварылі вайну ва Украіне і сітуацыю ў Іране. Пра гэта прэзідэнт ЗША паведаміў у сваёй сацсетцы Truth.
Размова Трампа і Пуціна цягнулася 1 гадзіну 15 хвілін.
«Я толькі што скончыў тэлефонную размову з прэзідэнтам Расіі Уладзімірам Пуціным. Размова працягвалася прыкладна гадзіну і 15 хвілін. Мы абмеркавалі напад Украіны на расійскія самалёты, якія знаходзяцца на аэрадромах, а таксама розныя іншыя напады, якія здзяйсняліся абодвума бакамі.
Гэта была добрая размова, але не тая, якая прывядзе да неадкладнага міру. Прэзідэнт Пуцін сапраўды заявіў, і вельмі рашуча, што яму давядзецца адрэагаваць на нядаўні напад на аэрадромы. Мы таксама абмеркавалі Іран і той факт, што час для прыняцця Іранам рашэння, што датычыцца ядзернай зброі, мінае, і яно павінна быць прынята хутка!
Я заявіў прэзідэнту Пуціну, што ў Ірана не можа быць ядзернай зброі, і ў гэтым, я мяркую, мы прыйшлі да згоды. Прэзідэнт Пуцін выказаў здагадку, што ён возьме ўдзел у дыскусіях з Іранам і што ён, магчыма, мог бы быць карысны ў больш хуткім завяршэнні гэтага працэсу. Я лічу, што Іран марудзіць з прыняццем рашэння па гэтым вельмі важным пытанні, і нам спатрэбіцца канчатковы адказ на працягу вельмі кароткага перыяду часу!» — напісаў Трамп.
На некалькі хвілін ён выдаліў свой пост, але потым вярнуў назад без змен у тэксце.
Цяпер чытаюць
Учора Мінск зноў затапіла. Чаму сталіца не гатовая да дажджоў?2
Каментары
відавочна чаму!