Трагедыя адбылася ў канцы чэрвеня. Мясцовая жыхарка, прагульваючыся па беразе ракі Бярэзіна, заўважыла ў вадзе цела без прыкмет жыцця. Пра гэта яна паведаміла ў Светлагорскі РАУС.
Для ўстанаўлення дакладнай прычыны смерці была прызначана судова-медыцынская экспертыза. Вынікі пацвердзілі першапачатковыя здагадкі — мужчына ўтапіўся. Немалую ролю ў гэтым адыграла алкагольнае ап'яненне. Канцэнтрацыя этанолу ў крыві памерлага, паводле дадзеных судова-медыцынскай хімічнай экспертызы, склала 4,7 праміле, паведамляе Дзяржкамітэт судовых экспертыз.
Спецыялісты звяртаюць увагу, што ўказаная канцэнтрацыя адпавядае цяжкай ступені вострай інтаксікацыі.
Каментары