Прэм'ер Літвы: Польшча скаардынуе з Літвой планы адкрыцця памежных пераходаў з Беларуссю
Польшча перагледзіць свае планы на адкрыццё пагранпераходаў з Беларуссю пасля інцыдэнтаў у Літве, мяркуе прэм'ер-міністр Інга Ругінене.
«Мы ўжо перапісваліся з прэм'ерам Польшчы, у нас будзе і больш працяглая размова. Польскі прэм'ер абавязкова скаардынуе свае дзеянні з намі, і гэта вельмі важна», — цытуе LRT прэм'ер-міністра.
Ругінене заявіла пра гэта пасля таго, як літоўскі ўрад закрыў мяжу Літвы з Беларуссю на месяц, а прэм'ер-міністр Польшчы Дональд Туск у гэты ж час абвясціў пра планы па аднаўленні працы двух памежных пераходаў з суседняй краінай.
Паведамлялася, што Польшча мае намер адкрыць пераход «Кузніца», закрыты з 9 лістапада 2021 года, і пераход «Баброўнікі», закрыты з 10 лютага 2023 года.
Прэм'ер Польшчы заявіў, што абодва пераходы могуць быць адкрыты ў лістападзе.
«Ніхто не чакаў, што мы распачнём такія дзеянні і што гібрыдная атака будзе скіравана супраць Літвы тут і зараз, таму ў кожнай краіны былі свае рашэнні, але пасля падзей тут, у Літве, відаць, і планы нашых суседзяў будуць скарэктаваны», — сказала Ругінене.
Прэм'ер сказала, што абмяркуе гэтае пытанне і ў чацвер у Латвіі. Таксама яна сказала, што падтрымлівае пастаянную сувязь з прэм'ерам Эстоніі.
У МЗС заявілі, што Літва закрыла мяжу з Беларуссю, бо хоча грошай ад ЕС
«У палякаў усё гатова». Што кажуць пра магчымае адкрыццё «Брузгоў» і «Бераставіцы»?
Туск заявіў пра гатоўнасць адкрыць Баброўнікі і Кузніцу з лістапада
Лукашэнка зноў заявіў, што Беларусь не будзе абараняць Еўропу ад мігрантаў. Але гатовы дамаўляцца
Каментары
З тэксту артыкула гэтага не вынікае. Гэта ўсяго толькі хацелкі прэм'ершы (прэм'еркі? прым'ерыні?) Летувы.
Меркавання польскага боку не пададзена: ці збіраецца Польшча каардынаваць свае планы з Летувой.