У бліжэйшыя двое сутак слупок тэрмометра на ўсходзе Беларусі ўзнімецца да 35–37°C
Спякота ў Беларусі пратрымаецца яшчэ як мінімум трое сутак.
Паводле прагнозаў Рэспубліканскага гідраметэацэнтра, 2 жніўня тэмпература паветра ноччу складзе 13—20°С, днём 28—34°С, па паўднёвым усходзе месцамі да 35°С.
3 жніўня на большай частцы тэрыторыі, а 4 жніўня ў цэнтральных і ўсходніх раёнах краіны захаваецца спякотлівае надвор'е з дзённай тэмпературай паветра 30—34°C. Па ўсходняй палове паветра прагрэецца да 35—37°C.
У Мінску, паводле прагнозаў сіноптыкаў, 2 жніўня начная тэмпература складзе 19—21°C, дзённая 30—32°C. Магчымыя дождж, навальніца.
3 жніўня ноччу ў сталіцы будзе 19—21°C, днём 30—32°C, вечарам магчымы дождж.
4 жніўня начная тэмпература чакаецца на ўзроўні 21—23°C, дзённая 30—32°C.
Варта зазначыць, што тэмпература вышэйшая за 35°C лічыцца небяспечнай з'явай.
Цяпер чытаюць
Памятаеце фота з мускулістым беларусам, які ў 2020-м ішоў у счэпцы з амапаўцам? Цяпер ён здымаецца ў кіно ў Англіі1
Каментары