Сем'і ж пацярпелых у пінcкай аварыі атрымаюць па 50 мільёнаў.
Сем’і ж пацярпелых у пінcкай аварыі атрымаюць па 50 мільёнаў. Такое рашэнне прынялі на савеце дырэктараў «Пінскдрэву» 1 лістапада.
У першы дзень аварыі была створаная камісія па аказанні першаснай дапамогі сем’ям пацярпелых. Сем’і загінулых ужо атрымалі па 10 мільёнаў, а пацярпелых — па тры. Гэтыя выплаты зрабілі ў першыя дні пасля трагедыі. Сродкі атрымалі і ўсе тыя, хто памер у рэанімацыі. Таксама некаторым з сем’яў загінулых дадаткова выплацілі па тры мільёны.
Цягам двух тыдняў сем’і былых работнікаў прадпрыемства атрымаюць астатнія выплаты. У гэтым запэўніў кіраўнік службы грамадскіх сувязяў «Пінскдрэву» Дзмітры Кірыковіч.
«На савеце дырэктараў было прынятае рашэнне, што выплаты сем’ям загінулых складуць па 100 мільёнаў рублёў, а сем’ям пацярпелых у аварыі — па 50 мільёнаў рублёў. Наша кіраўніцтва прыязджае на кожныя пахаванні і бачыць вочы і гора кожнай сям’і».
Сярод іншага, «Пінскдрэў» забяспечвае пахаванні загінулых і ўсталяванне помнікаў на могілках, адзначыў сп. Кірыковіч.
Цяпер чытаюць
Найбуйнейшую сетку фастфуду ў Беларусі адкрыў выхадзец з КДБ11
Каментары