А 19.30 выступ Някляева — на сайце НН ужывую

Віталь Рымашэўскі, Андрэй Саннікаў і Уладзімір Някляеў 3 снежня сустрэнуцца з выбаршчыкамі ў Мінску, Рыгор Кастусёў правядзе сустрэчы ў рэгіёнах, Яраслаў Раманчук пагутарыць з журналістамі. Пра гэта БелаПАН паведамілі ў штабах кандыдатаў у прэзідэнты.

Як зазначыў кіраўнік выбарчага штаба Рымашэўскага Павел Севярынец, кандыдат у прэзідэнты сёння вернецца з Бруселя. Ён сустрэнецца з беларускімі і замежнымі журналістамі, пасля чаго, у 18 гадзін, у яго запланавана сустрэча ў мінскай школе № 7 па адрасе: праспект Пушкіна, 5а.

Актывісты кампаніі «Гавары праўду!» 3 снежня праводзяць шэраг мерапрыемстваў:

а 12-й гадзіне каля ўваходу ў будынак ЦВК пройдзе акцыя з патрабаваннем прадаставіць дадатковы час на беларускім тэлебачанні для кандыдатаў.

Вечарам, паводле яе слоў, ва ўсіх рэгіёнах Беларусі пройдзе акцыя «Глядзім Някляева разам!».

«У Мінску глядзець выступленне Уладзіміра Някляева мы будзем у сярэдняй школе № 20 па вуліцы Парніковай, 5а, дзе ў 19.00 выступяць давераныя асобы, а ў 20.15 прыедзе сам кандыдат у прэзідэнты і правядзе сустрэчу з мясцовымі жыхарамі», — сказала Рымашэўская.

Па БТ ён мае выступіць а 19:30

У суботу, 4 снежня, Някляеў наведае рынак «Ждановічы», дзе сустрэнецца з прадпрымальнікамі — патэнцыйнымі выбарцамі

Чарговая сустрэча Андрэя Саннікава з выбаршчыкамі сталіцы пройдзе ў Мінскай дзяржаўнай харэаграфічнай гімназіі-каледжы па адрасе: вуліца Прытыцкага, 35. Пачатак сустрэчы, а 19.00, паведаміў БелаПАН прэс-сакратар Саннікава Аляксандр Атрошчанкаў. Паводле яго слоў, у сустрэчы таксама возьмуць удзел давераныя асобы кандыдата ў прэзідэнты — народная артыстка Беларусі Зінаіда Бандарэнка і кандыдат эканамічных навук, дацэнт Леанід Злотнікаў.

Яраслаў Раманчук 3 снежня будзе сустракацца з прэсай. А 12-й у яго запланавана анлайн-канферэнцыя на сайце «Радыё Свабода», з 15 да 16 гадзін — запіс для тэлеканала «Белсат», з 16.30 да 17.30 — здымка для «Комсомольской правды» в Белоруссии», паведаміла кіраўнік прэс-групы Раманчука Ганна Красуліна.

Кандыдат у прэзідэнты ад Партыі БНФ Рыгор Кастусёў наведвае Брэсцкую вобласць. 3 снежня ў 13 гадзін ён правядзе пікет на рынку ў Івацэвічах, у 15 гадзін — такі ж пікет у Белаазёрску, каля дома гандлю, і ў 18.30 сустрэнецца з выбаршчыкамі ў Бярозе, у будынку філіяла Бярозаўскага дома культуры.

Уладзімір Някляеў павінен выступіць па БТ

• 0
• 0
• 0
• 0
• 0
• 0
• 0
• 0