Супрацоўнік міліцыі застрэліў на поўдні Масквы парушальніка, які пратараніў на сваім аўтамабілі некалькі машын, пасля чаго, адмаўляючыся падпарадкавацца патрабаванням супрацоўніка праваахоўных органаў, спрабаваў уцячы. Праваахоўныя органы называюць расстрэл вінаватага ў аварыі вымушанай мерай: той нібыта хапаўся за аўтамат.
Кіроўца джыпа пратараніў некалькі машын і паспрабаваў уцячы. Пачаўся пераслед. Міліцыянт запатрабаваў ад парушальніка спыніцца, аднак той толькі дадаў хуткасці.
Падчас пагоні кіроўца перасек дзве суцэльныя лініі разметкі і праехаў на чырвонае святло.
Да пераследу далучыліся яшчэ некалькі міліцэйскіх аўто. Калі кіроўцу іншамаркі атрымалася заблакаваць, сяржант міліцыі выцягнуў кіроўцу, які замкнуўся ў салоне, з машыны.
Падчас затрымання кіроўца нібыта схапіўся за яго аўтамат. Міліцыянту «давялося» адкрыць агонь, паведаміў афіцыйны прадстаўнік Маскоўскага ГУУС Віктар Бірукоў. Кіроўца загінуў.
Паводле папярэдніх дадзеных, мужчына знаходзіўся ў стане алкагольнага ап’янення.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары