Кампанія Кіраўніцтва справамі прэзідэнта выставіла на аўкцыён жыццё зубра з Пушчы
Прапануецца «самец, не прызначаны для свабоднага палявання», за 40 тысяч еўра.
На сайце «Паляванне і рыбалка ў Беларусі» ДУ «ЦэнтрКурорт», якое належыць адміністрацыі прэзыдэнта, на аўкцыён выстаўлены зубр.Лот пад нумарам 15 рэкламуецца як «ўнікальны экземпляр» зубра, «самец, які не прызначаны для свабоднага палявання, з рэзервовага генафонду».
Першапачатковы кошт зубра — 40 тысяч еўра. Пераможца аўкцыёну атрымае магчымасць забіць жывёлу з уласнай зброі на тэрыторыі Белавежскай Пушчы, а таксама вывезці «трафей» за мяжу. У якасці бонусу прапануецца права на прэпараванне зубра.
Інтэрнэт-аўкцыён будзе працягвацца да 2 сакавіка. Імгненна атрымаць жыццё зубра можна за 50 тысяч еўра.
Арганізатары аўкцыёну адзначаюць, што праводзяць яго ў адпаведнасці з указам прэзідэнта.
Белавежскі зубр дагэтуль занесены ў Чырвоную кнігу.
Каментары