У Мінску павялічылася колькасць загінулых у ДТЗ, учыненых п'янымі кіроўцамі
паведаміў намеснік начальніка УДАІ ГУУС Мінгарвыканкама Уладзімір Піульскі 24 жніўня напрэс-канферэнцыі .
Паводле яго слоў, нягледзячы на змяншэнне колькасці ДТЗ, учыненых кіроўцамі ў алкагольным ап’яненні,
колькасць загінулых у іх людзей павялічылася больш як на 100%і склала сем чалавек за сем месяцаў 2011 года. У цэлым у Беларусі за палову 2011 года ў ДТЗ, учыненых п’янымі вадзіцелямі, загінулі 73 чалавекі.
Піульскі паведаміў, што ў Мінску павялічылася колькасць затрыманняў нецвярозых вадзіцеляў: за сем месяцаў 2011 года — 3.785 чалавек, што на 3% больш, чым за аналагічны перыяд мінулага года. Паводле яго слоў, колькасць паўторна затрыманых у стане алкагольнага ап’янення за рулём павялічылася на 8% і склала 428 чалавек.
Намеснік начальніка УДАІ ГУУС Мінгарвыканкама нагадаў, што 12 жніўня набыла моц пастанова Савета міністраў Беларусі, згодна з якім дапушчальны для вадзіцеляў узровень утрымання алкаголю ў крыві зніжаецца з 0,5 да 0,3 праміле.
Піульскі адзначыў, што, «як правіла, утрыманне алкаголю ў крыві затрыманых нецвярозых вадзіцеляў значна вышэй за 0,3 і складае 1–2 праміле».
Цяпер чытаюць
Пасадзілі падпалкоўніка і былога выкладчыка Вайсковай акадэміі. Ён падтрымаў народ у 2020-м10
Каментары