16 верасня Беларускі дзяржаўны тэатр лялек распачне свой 74-ы тэатральны сезон
спектаклем «Чароўныя падарункі» ў пастаноўцы рэжысёра Аляксея Ляляўскага і мастачкі Алы Ганіёдскай.
П’еса «Чароўныя падарункі», напісаная Віталем Вольскім паводле народнай казкі, зрабілася першым арыгінальным творам для беларускага лялечнага тэатра. Яна мае багатую сцэнічную гісторыю і па праву лічыцца класікай нацыянальнай драматургіі. Упершыню пастаўленая ў 1939 г./ пад назвай «Дзед і жораў», гэтая п’еса ніколі надоўга не знікала з рэпертуару Беларускага дзяржаўнага тэатра лялек.
З гэтым спектаклем тэатр шмат гастраляваў, удзельнічаў у прэстыжных міжнародных фестывалях у Бельгіі, Германіі, Латвіі, Малдове, Нідэрландах, Польшчы, Расіі, Сербіі, Узбекістане, Украіне, Францыі, Харватыі.
Цяпер тэатр аднавіў пастаноўку 1986 года — і яна атрымала не толькі новае дыханне, але і новых выканаўцаў і новую назву. Раней спектакль называўся «Дзед і жораў», а варыянт 2011 года атрымаў аўтарскую назву Віталя Вольскага — «Чароўныя падарункі».
У новым сезоне тэатр таксама парадуе сваіх гледачоў новымі пастаноўкамі і імпрэзамі.
Для маленькіх мінчан рэжысёр Аляксандр Янушкевіч і мастак Валерый Рачкоўскі рыхтуюць спектакль «Асцярожна: свіння» паводле латышскага драматурга Хірманіса Паўкша. А творчы дуэт Аляксея Ляляўскага і Таццяны Нерсісян прадставіць пастаноўку для дарослых — «Шоўк» паводле нашумелага рамана Алясандра Барыка. Завяршэнне сезона 2011–2012 будзе адметнае Беларускім міжнародным фестывалем тэатраў лялек.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Туск заявіў пра гатоўнасць адкрыць Баброўнікі і Кузніцу з лістапада55
Каментары