Нападнік затрыманы.
Удзень 29 кастрычніка мужчына, які ехаў у тралейбусе па праспекце Фрунзэ, зрабіў заўвагу безбілетнаму пасажыру і запатрабаваў аплаціць праезд. Канфлікт удзельнікі вырашылі працягнуць у менш шматлюднай абстаноўцы, для чаго выйшлі на бліжэйшым прыпынку і зайшлі ў адзін з двароў.
Далей падзеі разгортваліся імкліва: безбілетнік выхапіў сталовы нож, усадзіў яго ў сэрца апанента і кінуўся на ўцёкі. Нягледзячы на цяжкое раненне, пацярпелы паспеў паведаміць па гарачай лініі 102 аб тым, што здарылася, работнікам міліцыі і назваць прыкметы нападніка.
Міліцыя здолела выратаваць жыццё параненага, а таксама аператыўна затрымаць хулігана, хоць той ужо паспеў пераапрануць куртку і шапку.
За замах на забойства зараз у дачыненні да непрацуючага і раней не судзімага віцьбіча заведзена крымінальная справа. Вядзецца расследаванне.
Цяпер чытаюць
Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў10
Каментары