Эксперты Інтэрпола, як і беларускія калегі, устанавілі, што на бомбе 2008 года былі адбіткі менавіта Дзмітрыя Канавалава. Аб гэтым паведаміў у інтэрв’ю карэспандэнту БелТА начальнік Нацыянальнага цэнтральнага бюро (НЦБ) Інтэрпола ў Беларусі Аляксандр Пятран.
Начальнік НЦБ растлумачыў, што на наступны дзень пасля тэракту 2008 года ў Мінску ў Генеральны сакратарыят Інтэрпола былі накіраваны сляды пальцаў рук тады яшчэ меркаванага злачынцы. Гэта менавіта тыя адбіткі, якія выявілі ўсярэдзіне выбуховай прылады. Пазней — у 2011 годзе — яны супалі з адбіткамі пальцаў Канавалава. «Аналіз праводзіўся і ў нас, і ў Інтэрполе і даў адзін і той жа вынік», — паведаміў Аляксандр Пятран.
Ён дадаў, што ў Інтэрпол былі накіраваны не толькі адбіткі, але і генатыпаскапічная інфармацыя. Акрамя гэтага, па эпізодзе 2008 замежныя калегі аказалі вялікую дапамогу па аналізе канструкцыі выбуховай прылады. Таксама пасля выбуху 2011 Інтэрпол дапамог у першы ж дзень пасля тэракту атрымаць палепшаную фатаграфію злачынцы. У генеральны сакратарыят глабальнай паліцэйскай арганізацыі былі адпраўленыя кадры з камер вонкавага назіранні, якія ўстаноўлены ў цэнтры Мінска недалёка ад уваходу на станцыю «Кастрычніцкая».
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары