— не схіліліся перад тым, што хтосьці там уводзіць супраць іх санкцыі.
Аляксандр Лукашэнка не бачыць асаблівых праблем у судовай сістэме Беларусі. Аб гэтым ён заявіў 21 лютага, звяртаючыся да Сяргея Кандрацьева, якога прызначыў суддзёй і намеснікам старшыні Вярхоўнага суда, паведамляе
«Малайцы людзі, працуюць суддзі нармальна. Яны не схіліліся перад тым, што хтосьці там уводзіць супраць іх санкцыі, — заявіў Лукашэнка.
— Гэта наогул абсурд — супраць суддзі ўводзіць санкцыі. Суддзя — нявольнік перад законам.Якія могуць быць санкцыі супраць суддзі? Але тым не менш нашы суддзі ў гэтай сітуацыі проста малайцы. Яны ні перад кім не схіляюцца, робяць сваю справу. Таму ў мяне асаблівых прэтэнзій да судзейскага корпусу няма, і вы павінны ведаць, што я вельмі беражліва ахоўваю нашу судовую сістэму ад усялякага ўмяшання ў яе работу.
І ламаць судовую сістэму, якая існуе ў Беларусі, недапушчальна».
Гаворачы пра работу праваахоўных ведамстваў і ў тым ліку органаў пракуратуры, Лукашэнка нагадаў аб неабходнасці прызначэння новай хвалі кіраўнікоў. «Я асабліва не педалірую гэтае пытанне. Так, трэба вылучаць моладзь.
Але для мяне галоўнае не ўзрост чалавека, а яго прафесіяналізм і адданасць дзяржаве. Вельмі рады, што Генпракуратура ў гэтым кірунку пачынае дзейнічаць»,— сказаў беларускі кіраўнік, звяртаючыся да Сяргея Аземшы, які прызначаны пракурорам Гомельскай вобласці.
Як адзначыў кіраўнік дзяржавы, людзей неабходна вылучаць «знізу, з самой сістэмы». «Вы, напэўна, адзін з першых, каго мы прызначаем у адпаведнасці з гэтай новай хваляй і патрабаваннямі да кадраў. Дзесьці ў красавіку — маі мы правядзем на ўзроўні прэзідэнта нараду ў пракуратуры і больш прынцыпова і сур’ёзна вызначымся з кірункамі дзейнасці нашых пракурорскіх работнікаў», — сказаў Лукашэнка, адзначыўшы, што трэба паглядзець і на пытанне аб падтрымцы пракурорскага корпусу.
«Але вы дакладна павінны ведаць: я хачу, каб пракуроры змянілі стыль сваёй работы, — падкрэсліў Лукашэнка. —
Я дагэтуль памятаю з савецкіх часоў, як пракурор вечна бадзяўся каля міліцыі, а міліцыя бегла да пракурора.Навошта? Пракурор — гэта галоўны кантралёр у сваёй сістэме ў краіне. Пракурор павінен патрабаваць за вынік і выкананне правоў грамадзяніна і інтарэсаў дзяржавы. На гэта я арыентаваў генпракурора, і гэта будзе квінтэсенцыяй і чырвонай ніткай у нашай размове з пракурорскім корпусам».
Кіраўнік дзяржавы звярнуў увагу Сяргея Аземшы на неабходнасць аказання падтрымкі ў фарміраванні органаў Следчага камітэта ў рэгіёне. Пры гэтым ён падкрэсліў асаблівую адказнасць пракуратуры за стан спраў у праваахоўных органах у пытанні барацьбы з крыміналам. Не менш сур’ёзную ўвагу трэба звярнуць і на барацьбу з карупцыяй, заявіў Лукашэнка.
Каментары