У абед, калі гарадзенскія актывісты ўскладалі кветкі да знаку «На Грунвальд», што побач з Калоскай царквой, сямёх чалавек затрымалі міліцыянты для праверкі дакумэнтаў.
Сярод затрыманых былі трое непаўналетніх, у аднаго зь іх сканфіскавалі маленькі бела‑чырвона‑белы сьцяжок. Праз тры гадзіны затрыманых адпусьцілі. Зь Ленінскага райаддзелу ўнутраных справаў усе накіраваліся на плошчу Савецкую, дзе знаходзіцца будынак, у якім месьціўся ўрад БНР у 1918 годзе.
Мікола Воран, адзін з затрыманых, апавядаў усім гісторыю тагачасных падзеяў. Ушанавалі памяць загінулых за Беларусь хвілінай маўчаньня й скіраваліся да Старога й Новага замкаў, дзе таксама ўшанавалі памяць загінулых за Беларусь побач з помнікам Вітаўту.
Увесь час пасьля таго, як актывісты выйшлі на волю зь Ленінскага райаддзелу міліцыі, іх суправаджалі людзі ў цывільным і прыслухоўваліся да размоваў. Праўда, затрыманьняў больш не было.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары