Людзі ў цывільным палююць на журналіста «Еўрарадыё» Ругайна
Затрымліваць Ругайна пад вокам журналісцкіх фота- і відэакамэраў не рашыліся.
Віталя Ругайна, журналіста «Еўрарадыё» людзі ў цывільным больш за шэсьць гадзінаў пільнавалі каля офіса Эўрарадыё, а пасьля яшчэ гадзіну адсочвалі па горадзе.
Журналісты «Еўрарадыё» заўважылі некалькі аўтамабіляў, у якіх знаходзіліся людзі ў цывільным, яшчэ ў абед. Пасьля стала вядома, што яны цікавіліся менавіта Віталём Ругайнам. Увесь гэты час Віталь знаходзіўся ў офісе разам з калегамі.
Пад вечар у офісе сабраліся журналісты з іншых СМІ і было вырашана выйсьці з офісу ўсім разам. Каля гадзіны паўтара дзясятка журналістаў у суправаджэньні супрацоўнікаў у цывільным хадзілі па цэнтры гораду. З перамоваў супрацоўнікаў па рацыі было зразумела, што затрымліваць Ругайна пад вокам журналісцкіх фота і відэакамэраў яны ня будуць. Сьледам па вуліцах езьдзілі і мікрааўтобусы, якія да таго стаялі ў двары «Еўрарадыё».
Праз гадзіну Віталю Ругайну ўдалося схавацца. Цяпер ягонае месца знаходжаньне невядомае.
Віталь Ругайн — адзін з аўтараў рэпартажу «Эўрарадыё» з менскага мэтро. Разам са сваім калегам Алесем Пілецкім яны прайшлі па падземцы з цяжкай торбай, і на іх ніхто не зьвярнуў увагі. Журналісты лічаць, што перасьлед — гэта помста з боку міліцыі за іх працу.
Сёньня ранкам быў затрыманы і асуджаны да 15 сутак арышту Павал Сьвярдлоў. Калегі лічаць, што яго маглі проста пераблытаць з Віталём Ругайнам.
Галоўны рэдактар «Эўрарадыё» Віталь Зыблюк камэнтуе сытуацыю, якая склалася вакол журналіста:
«Будзем чакаць. Два месяцы хаваць яго не ўдасца. Але можа гэты націск спадзе. А можа наадварот болей азьвярэюць
Каментары