Зміцер Дашкевіч адмовіўся ад адваката ў будучым судзе
У31-ы дзень народзінаў палітвязня адвакатка наведала яго ў Глыбоцкай калоніі.
Заўчора Змітра выпусцілі з ШІЗА, таму свае народзіны ён сустракае ў атрадзе. Як паведаміла нявеста палітвязня Наста Палажанка, Змітру прыйшло каля 100 віншавальных лістоў і каля 50 паштовак. Апроч гэтага, сёння мусіць прыйсці падарунак ад самой Палажанкі — самаробны альбом «Адзін дзень без цябе», дзе Наста паказала свой дзень без каханага ў здымках і малюнках.
Як паведаміла Наста, у Змітра ўжо быў першы допыт па заведзенай крымінальнай справе.Як «злоснаму парушальніку» Дашкевічу могуць накінуць яшчэ год зняволення. Калі гэтага не адбудзецца, 18 снежня Зміцер выйдзе на волю.
Дашкевіч адмовіўся даваць любыя паказанні на допыце. Палажанка цытуе словы Змітра: «Я ў гэтым цырку буду толькі гледачом». Таксама Дашкевіч адмовіўся ад паслуг адваката ў гэтым працэсе.
Нагадаем, Наста Палажанка і Зміцер Дашкевіч ўжо больш за год не могуць узяць шлюб, бо Змітру так і не вярнулі пашпарт пасля следства па яго крымінальнай справе.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары