Ляўрэат Нобэлеўскай прэміі міру, віцэ-прэм’ер Шыман Перэс заявіў пра намер удзельнічаць у выбарах прэзыдэнта Ізраілю.
Гэта будзе другая спроба 83‑гадовага палітыка заняць пост кіраўніка дзяржавы. У 2000 г. ён прайграў на выбарах сёньняшняму прэзыдэнту Машэ Кацаву.
Прэзыдэнт будзе абраны парлямэнтам 13 чэрвеня. Але асноўная ўлада ў Ізраілі належыць прэм’ер‑міністру.
***
Шыман Перэс (Перскі) нарадзіўся 1 жніўня 1923 г. у Вішневе (сёньня Валожынскі р‑н Менскай вобл.) У 1934 г. сям’я Перскіх выэмігравала ў Палестыну. У 1984—1986, 1994—1996 гг. зьяўляўся прэм’ер‑міністрам Ізраілю.
Калі Пэрэса абяруць прэзыдэнтам, гэта будзе трэці прэзыдэнт краіны (ня блытаць з прэм'ерамі!) — ураджэнец Беларусі. Пасьля Хаіма Вэйцмана (Моталь, 1949—1952) і Залмана Шазара (Мір, 1963—1973).
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам32
Каментары