Šok dla ekanomiki Biełarusi
«Dla ekanomiki Biełarusi šokam moža stać mahčymaje vyroŭnivańnie cenaŭ na naftu», — pra heta zajaviŭ 21 vieraśnia na bryfinhu ŭ Miensku namieśnik načalnika eŭrapiejskaha departamentu MVF Bałaž Chorvat. Pavodle čynoŭnika, adzin z składnikaŭ ekanamičnaha rostu Biełarusi — roźnica pamiž tannaj rasiejskaj naftaj i ekspartnym koštam na atrymanyja ź jaje naftapradukty. Sp.Chorvat ličyć, što cana na naftu budzie raści i ź ciaham času dasiahnie suśvietnaha ŭzroŭniu. Jašče adnym šokam moža stać skaračeńnie ekanamičnaha aktyŭnaha nasielnictva i rostu kolkaści pensijaneraŭ, i hetaja tendencyja budzie ŭžo zaŭvažnaja z 2007 h.
Śpis likvidavanych turfirmaŭ
Ministerstva sportu j turyzmu apublikavała śpis sa 100 kampanijaŭ, što pazbaŭleny licenzijaŭ na turystyčnuju dziejnaść. Bolšaść vypadkaŭ źviazana ź niasvoječasovaj padačaj dakumentaŭ, a taksama z adsutnaściu prapanovaŭ kampanijaŭ adnosna ŭjaznoha turyzmu.
Cukrovaja vajna z Rasiejaj
Ministerstva ekanamičnaha raźvićcia Rasiei pačało śledztva ŭ dačynieńni da biełaruskaha cukru. Cukraviki Rasiei žadajuć, kab rasiejski ŭrad uvioŭ u dačynieńni da biełaruskaha cukru kampensacyjnaje myta — $149 za tonu. Takim čynam rasiejskija vytvorcy prapanujuć vyrašyć prablemu kankurencyi biełaruskaha cukru z rasiejskim, dola jakoha na ŭschodnim rynku składaje 8%. Aproč taho, biełaruski cukar bolš tanny ($480 za tonu, rasiejski — $540). Uviadzieńnie myty mahčyma tolki paśla taho, jak ustanoviać pamier škody, naniesienaj rasiejskim vytvorcam cukru.
Iznoŭ pa licenziju
Pryvatnyja medcentry «Nardzin» i «Ekamedservis» padali ŭ Ministerstva achovy zdaroŭja zajaŭki na atrymańnie novych licenzij na ažyćciaŭleńnie medycynskaj dziejnaści. Ciapier «Ekamedservis» nie pracuje, «Nardzin» trymaje tolki apteki. Ich licenzii byli skasavanyja kalehijaj ministerstva achovy zdaroŭja.
Birža №3
Da kanca hodu pry kancernie «Biełnaftachim» budzie stvoranaja birža naftapraduktaŭ. Na joj budzie adzin brokier — Biełaruski naftavy handlovy dom, zasnavalnikami biržy buduć dziaržaŭnyja pradpryjemstvy — vytvorcy naftapraduktaŭ. Na siońnia ŭ Biełarusi dziejničajuć valutna-fondavaja j tavarna-syravinnaja biržy.
ZD
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary