Palitrada pry adzinym kandydacie zaćvierdziła lidera AHP na pasadzie staršyni Nacyjanalnaha kamitetu.
U sieradu 12 kastryčnika ŭ Miensku prajšło pieršaje pasiedžańnie Palityčnaj rady pry adzinym kandydacie ad demsiłaŭ. Na prapanovu Alesia Milinkieviča Palitrada zaćvierdziła kiraŭnikom štabu Siarhieja Kalakina. «Pakul u štabie, akramia staršyni, nikoha niama. Usio daviadziecca rabić z nula», — kanstatavaŭ sp.Kalakin. U vertykal štabu buduć intehravanyja aktyvisty, jakija ŭdzielničali ŭ papiarednich palityčnych kampanijach. «Nijakich paralelnych struktur nia budzie», — papiaredziŭ načštabu.
Aleś Milinkievič prapanavaŭ Palitradzie kaaptavać u svoj skład kiraŭnika Fondu lakalnaha raźvićcia, eks-deputata Viarchoŭnaha savietu SSSR Viktara Karniajenku — jon budzie adkazvać za pracu ź niedziaržaŭnymi arhanizacyjami. «Važna, kab nichto nie apynuŭsia za bortam», — paabiacaŭ sp.Karniajenka. Pra svajo pryznačeńnie siabram Palitrady pry adzinym kandydacie jon daviedaŭsia ad žurnalistaŭ. Ich paprasili pakinuć pamiaškańnie pasiedžańnia — abmiarkoŭvałasia dalikatnaja tema: chto zrobicca staršyniom Nacyjanalnaha kamitetu — orhanu, jaki budzie vypracoŭvać intelektualnuju platformu dla adzinaha kandydata.
Da praviadzieńnia Kanhresu prahnazavałasia, što Kamitet uznačalić były ministar sielskaj haspadarki Vasil Lavonaŭ. Ale z ulikam vynikaŭ hałasavańnia pa adzinym kandydacie, Palitrada paličyła bolš apraŭdanym pryznačyć staršyniom Nacyjanalnaha kamitetu Anatola Labiedźku. V.Lavonaŭ, chutčej za ŭsio, budzie ŭviedzieny ŭ skład Palitrady. «Nacyjanalny kamitet — cieniavy ŭrad —budzie vypracoŭvać vobraz novaj Biełarusi», — zajaviŭ A.Labiedźka. Ale kali hety vobraz nabudzie rysy prahramy adzinaha kandydata, pakul skazać ciažka.
Ciapier čytajuć
Žychary Hrušaŭki i Michałova zastajucca biez deputatki: čempijonka Mirončyk-Ivanova źbirajecca ŭ dekret5
Kamientary