Pavodle «Bazy», papiarednie, 18‑hadovy chłopiec chacieŭ adpomścić za svajo adličeńnie z technikuma budaŭnictva i ekanomiki.
Napad na technikum u Archanhielsku adbyŭsia padčas pieršaha ŭroka. Pavodle źviestak «Bazy», dźviery ŭ kabiniet adčynilisia i ŭvarvaŭsia chłopiec, jon byŭ z nažom i ŭ mascy z uśmieškaj.
Napadnik pabieh da trybuny, dzie stajała vykładčyca, i ŭdaryŭ jaje nažom u śpinu kala troch razoŭ, a potym pačaŭ bić u šyju.
Zatym jon kidaŭsia na ŭsich zapar, pakul jaho nie skrucili inšyja studenty.
«Ja z adnahrupnikam pačuŭ kryki z kalidora, paviarnulisia, paśla čaho vybiahaje jon u mascy i ŭ palčatkach biez palcaŭ, z nažom u rukach. Sprabuje vybiehčy z technikuma, dźviery začynienyja na špinhalet, jaho pinajuć u hety momant dva čałavieki, jakija za im biehli, — jon adryvaje špinhalet i ŭciakaje. Paśla čaho ja i moj znajomy z hrupy vybiahajem za im, kala varot jon pasprabavaŭ mianie pyrnuć, ja paśpiachova ŭchiliŭsia, i jon pabieh dalej. Užo padbiahajučy da darohi, jon znoŭ spyniajecca — ja jamu kažu: «Kidaj nož, tabie ***!» Jon zdymaje masku, palčatki, kidaje nož, my jaho załomvajem i viadziom u technikum», — raskazaŭ adzin sa studentaŭ.
Papiarednie, paciarpieli nastaŭnik ruskaj movy, sacyjalny piedahoh i adzin sa studentaŭ.
Napadnika raniej adličyli z technikuma praz drennuju paśpiachovaść.
Ciapier čytajuć
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju2020
Kamientary