U Biełarusi ŭnosiacca źmianieńni i dapaŭnieńni ŭ Praviły achovy i racyjanalnaha vykarystańnia zubroŭ. Heta praduhledžana pastanovaj Savieta ministraŭ ad 23 listapada № 1073.
Źmianieńni pašyrajuć pieralik kryteryjaŭ, pa jakich dazvoleny adstreł zubroŭ. U Biełarusi mahčymy adstreł tych zubroŭ, jakija vyniesienyja z Čyrvonaj knihi i ŭniesienyja ŭ tak zvany reziervovy hienafond. Pryniataja pastanova ŭvodzić novyja kryteryi pa ŭniasieńni zubroŭ u hety rezierv.
U pryvatnaści, ciapier da ich taksama adnosiacca «zubry,jakija ŭ zimovy pieryjad znachodziacca na terytoryi fierm i siłasnych burtoŭ prajaŭlajuć ahresiŭnaść ŭ dačynieńni da ludziej i damašnich žyvioł», samcy i samki, jakija «prajaŭlajuć ahresiŭnaść da svaich rodzičaŭ (zubroŭ), za vyklučeńniem samcoŭ — pieramožcaŭ u turnirnych pajadynkach
Zhodna z pastanovaj, knihi zubroŭ reziervovaha hienafondu viaducca jurydyčnymi asobami — trymalnikami mikrapapulacyj zubroŭ zhodna ź pieralikam, jaki vyznačaje Ministerstva pryrodnych resursaŭ i achovy navakolnaha asiarodździa. Da ŭklučeńnia zubroŭ u knihi reziervovaha hienafondu jany adnosiacca da zubroŭ asnoŭnaha hienafondu.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary