Polski alimpijski čempijon u kidańni mołatu Šyman Ziułkoŭski skazaŭ Gazecie Wyborczej, što biełaruskija spartoŭcy byli zasłužana pazbaŭlenyja alimpijskich miedaloŭ za ŭžyvańnie dopinhu.
Na hetym tydni Mižnarodny alimpijski kamitet aficyjna abviaściŭ pra pazbaŭleńnie ŭznaharodaŭ čatyroch miedalistaŭ Alimpijady ŭ Afinach 2004 hoda, u tym liku biełarusaŭ: bronzavaha miedala pazbavili kidalnicu dysku biełarusku Irynu Jatčanku, a małatabojca Ivana Cichana srebra.
«Spraviadlivaść pieramahła, i ja spadziajusia, što heta nie kaniec vykryvańnia tych, jakija byli pierakananyja, što im syšło z ruk», — skazaŭ Ziułkoŭski.
Pavodle Ziułkoŭskaha, jakoha ŭ svoj čas treniravaŭ biełarus Piotr Zajcaŭ, i jaki z hetaj pryčyny jeździŭ u Biełaruś na treniroŭki, padrychtoŭka i pavodziny biełaruskich lohkaatletaŭ nieadnarazova schilali jaho da dumki, što jany ŭžyvali dopinh.
«Kali chtości nie chacieŭ, kab jaho praviarali na dopinh, dyk raz na hod davaŭ chabar i jaho nie čapali. Jaho abo nie abśledavali, abo papiaredžvali, i jon źnikaŭ.
Tak było, naprykład, z Vadzimam Dzieviatoŭskim. Uviečary jon niečakana skazaŭ, što jamu treba ŭ Maskvu. Nie było jaho sutki. Ranicaj pryjechała antydopinhavaja kamisija.Kali jon viarnuŭsia, dyk navat nie viedaŭ, kolki kaštavaŭ kvitok, a kazaŭ nam, što jechaŭ ciahnikom. Jon zahavorvaŭ nam zuby» — skazaŭ Ziułkoŭski.
Ziułkoŭskamu zapomniŭsia taksama adkaz Cichana na jahonaje pytańnie, adkul u taho śled ad ukołu kala pupka. «Heta ad spražki pasa» — mieŭsia adkazać biełarus.
Ziułkoŭskaha taksama ździŭlała padrychtoŭka Cichana.
«Nichto pry zdarovym rozumie nie siadzić doma, kali možna zarabić choć by tysiaču dalaraŭ na spartovych spabornictvach.A byvała, što Ivan za ŭvieś siezon vystupaŭ tolki ŭ čempijanacie Biełarusi, jak heta zdaryłasia pierad Alimpijadaj u 2008. Tady jon atrymaŭ najlepšy vynik u śviecie — 85,51 mietra» — adznačyŭ polski lohkaatlet.
Małatabojec Šyman Ziułkoŭski — adzin z najbolš viadomych polskich lohkaatletaŭ, załaty medalist Alimpijady ŭ Sydnei ŭ 2000 i čempijon śvietu ŭ 2001.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary