STAA «Biełviest» maje namier patroić vytvorčaść abutku, a ŭ realizacyi pradukcyi «dajści da Cichaha akijana». Pra heta paviedamiŭ hiendyrektar pradpryjemstva Juryj Sumaniejeŭ napres-kanfierencyi , pryśviečanaj vypusku40-miljonnaj pary abutku.
U červieni 2013 hoda «Biełviestu» spoŭnicca 25 hadoŭ. Ciapier pradpryjemstva vypuskaje 2 miljony par abutku štohod. Pry hetym madelny šerah składaje 2 tysiačy.
«Biełviest» maje 40 firmovych mahazinaŭ u Biełarusi, vosiem — u Łatvii, 286 — u Rasii. «My ŭžo dajšli da Bajkała i chočam sioleta dajści da Chabaraŭska i Cichaha akijanu. U kožnym bujnym rasijskim horadzie ŭ nas pavinien być svoj mahazin. Uvachodžańnie Rasii ŭ SHA na prodažach našaj pradukcyi nie adbiłasia. I nie dumajem, što štości katastrafičnaje adbudziecca nadalej», — zajaviŭ Sumaniejeŭ. Pierśpiektyŭnym rynkam zbytu jon taksama ličyć Kazachstan, u płanach pradpryjemstva — adkryćcio mahazinaŭ u Litvie.
Adnak dalokaje zamiežža «Biełviest» zavajoŭvać pakul nie maje namieru: «My nie stavim zadaču tudy iści, bo spažyvieckija rynki tam užo sfarmiravanyja. Iści tudy — značyć kankuryravać pa canie, prymianiać novyja markietynhavyja chady, zakranać płasty ŭ śviadomaści pakupnika: čym kankretna my lepšyja za inšych. A heta zatraty i času, i hrošaj. Tamu ŭ pieršuju čarhu, my robim upor na rynki, jakija jašče niedastatkova nasyčanyja».Pavodle słoŭ Sumaniejeva, uzrovień ekspartu pradpryjemstva «pierasiahnuŭ 70%, pry hetym u im dola Rasii — kala 60–65%».
Hałoŭnymi zadačami pradpryjemstva Sumaniejeŭ nazvaŭ madernizacyju i pavieličeńnie abjomaŭ vytvorčaści: «U listapadzie na naradzie pa pytańniach raźvićcia harbarnaj i abutkovaj pramysłovaści prezident pastaviŭ zadaču padvoić abjomy. A našamu pradpryjemstvu, jak pieradaviku, — patroić. Da 2015 hoda my budziem hatovy ŭvieści nieabchodnyja mahutnaści. A vypusk 6 miljonaŭ par u hod budzie technałahična mahčymy da 2017 hoda. Ciapier my praličvajem hetuju metu. U jakaści novaj placoŭki razhladajem płoščy zavoda pryboraŭ aŭtamatyčnaha kantrolu ŭ Oršy, jakija nie vykarystoŭvajucca. Ale kab zrabić jakasny abutak, treba ž nie tolki abstalavańnie, patrabujucca ludzi. Naša vytvorčaść — vielmi pracajomkaja: kožnaja para abutku prachodzić praz 200–250 par ruk. I poŭnaściu aŭtamatyzavać hety praces niemahčyma. Tamu dla vykanańnia hrandyjoznaj zadačy treba pavialičyć i kolkaść piersanału. Pieradumovy dla hetaha jość: zarabotnaja płata na našym pradpryjemstvie ŭ śniežni skłała 4 miljony 400 tysiač rubloŭ. Ale heta pavinny być nie prosta ludzi, a śpiecyjalisty, navučanyja abutkovaj spravie».
«Biełviest» viadzie aktyŭnyja pieramovy z patencyjalnymi inviestarami. «Chočam pryciahnuć technałahičnyja, finansavyja i kiraŭnickija inviestycyi, kab sinchronna raźvivacca razam z usim śvietam. U mianie ŭ haściach byŭ hienieralny dyrektar inviestycyjnaha fondu „
Kamientary