Siońnia va ŭpravie BNF adbyłasia
«Prynoście nacyjanalnuju simvoliku»
Asnoŭnym śviatočnym mierapryjemstvam stanuć šeście i mitynh u Parku družby narodaŭ, jakija adbuducca ŭ niadzielu 24 sakavika. Pačatak zboru udzielnikaŭ zapłanavany na 12:00 na placoŭcy la kinateatra «Kastryčnik». Pradstaŭniki arhkamiteta abvierhli raniejšyja paviedamleńni ŚMI ab zabaronie vykarystańnia nacyjanalnaj simvoliki padčas mitynha.
«Minharvykankam, spasyłajučysia na „Zakon ab masavych mierapryjemstvach“, asobna abhavaryŭ vykarystańnie płakataŭ, transparantaŭ abo inšych srodkaŭ. Što majecca na ŭvazie pad „inšymi“ srodkami ni ŭ zakonie, nie ŭ rašeńni nie patłumačana. Ale paśla kansultacyi ź jurystami my chočam zajavić, što nie isnuje nijakaj zabarony na vykarystańnie nacyjanalnaj simvoliki, pieradusim
Inšaja placoŭka dla zboru
Arhanizatary nahadali, što Minharvykankam taksama źmianiŭ placoŭku dla zboru ŭdzielnikaŭ šeścia: spačatku płanavałasia rabić heta la ŭvachodu ŭ Bataničny sad. Ale hetaje miesca źmianili na placoŭku pierad kinateatram «Kastryčnik». Na dumku Hubareviča, heta «było zroblena naŭmysna dla ŭskładnieńnia arhanizacyi mierapryjemstva, bo zaraz pałova płoščy pierad kinateatram raskapana i nahadvaje budoŭlu». Dla tych, chto moh nie daviedacca pra novuju kropku zboru, arhanizatary płanujuć ustalavać la ŭvachodu ŭ Bataničny sad infarmacyjny stend dla pieranakirovaŭvańnia ŭdzielnikaŭ.
«Skinucca» na milicyju i palitviaźniaŭ
Taksama arhanizatary zajavili pra svaje płany prapanavać usim udzielnikam paŭdzielničać u apłacie pasłuh kamunalnych słužbaŭ.
«Pry vydačy dazvołu na mierapryjemstva arhanizatary abaviazany apłacić pracu miedykaŭ, milicyi, MNS, navat słužbaŭ azielanieńnia i ŭborki terytoryi. Sumy vychodziać bujnyja, i ŭličvajučy dośvied susiednich dziaržaŭ, dzie praviadzieńnie masavych mierapryjemstvaŭ — heta nie tolki abaviazak arhanizataraŭ, ale ŭsieahulnaja sprava, jakaja śviedčyć pra stupień śpiełaści hramadzianskaj supolnaści, my źvierniemsia z zaklikam paŭdzielničać u apłacie hetych abaviazkovych pasłuh», — skazaŭ Hubarevič. Dla zboru srodkaŭ budzie padrychtavana śpiecyjalnaja skrynia.
«Skinucca» padčas akcyi možna budzie nie tolki na kamunalnyja słužby, ale i na padtrymku palitviaźniaŭ i ich siemjaŭ.
Pravakacyj nie płanujecca
Arhanizatary ličać, što pravakacyj być nie pavinna. Arhkamitet zajaviŭ, što na šeści budzie prysutničać milicyjant, jaki znachodziŭsia ŭ Minharvykankamie padčas abviaščeńnia rašeńnia pa Dni Voli, ź jakim «na miescy buduć vyrašacca biahučyja pytańni». Taksama arhanizatary buduć sačyć za praviadzieńniem mierapryjemstva svaimi siłami.
Muzyka budzie, ale cichaja
«Hukaŭzmacnialnaja aparatura budzie, ale małych pamieraŭ, — raskazaŭ Viktar Ivaškievič. — Sprava ŭ tym, što ŭ milicyi dahetul lažyć aparatura, kanfiskavanaja ŭ minułym hodzie».
Što tyčycca mitynhu ŭ Parku družby narodaŭ, arhanizatary nie stali raskryvać płany na mitynh, ale i zaklikali prajaŭlać aktyŭnuju inicyjatyvu i rychtavać niešta svajo. «Pavinna być revalucyjnaja tvorčaść mas, i tady my zmožam paŭpłyvać na situacyju», — zaŭvažyŭ Ivaškievič.
«Hałoŭnaje — padniacca z kanapy»
«Miarkujučy pa letašnich akcyjach, pryjdzie niekalki tysiačaŭ čałaviek, — zajaviŭ Ivaškievič. — Na siońnia kala sta tysiač minčukoŭ čytajuć niezaležnyja ŚMI, tamu infarmacyja dla ich jość. Pytańnie ŭ tym, kab pierabaroć ułasnuju lanotu, niejkija ŭjaŭnyja strachi i zrabić hety krok. Tyja tysiačy čałaviek, jaki robiać jaho zaŭsiody, zrobiać jaho i zaraz, bo heta patrebna ŭ pieršuju čarhu, kab pavažać siabie».
«U sacyjalnych sietkach vializnaja kolkaść zmaharoŭ, jakija dajuć paradu. Tut treba dać paradu sabie, padniać svajo cieła z kanapy i pieranieści jaho ŭ toj punkt, dzie buduć astatnija ludzi», — zaŭvažyŭ Labiedźka.
Rehijonam admovili
Usie asnoŭnyja mierapryjemstvy pa śviatkavańni Dnia Voli adbuducca ŭ Minsku. Adnak rehijony zastalisia za bortam.
«U Viciebsku, Słonimie, Hrodna, Mahilovie padavalisia zajaŭki na praviadzieńnie mitynhaŭ, ale ŭsim arhkamitetam było admoŭlena. Tamu chaču zaklikać ludziej z susiednich haradoŭ pryjazdžać na mitynh u Minsk. Ale mierapryjemstvy ŭsio roŭna adbuducca ŭ formie ŭskładańnia kvietak, u formie napisańnia dyktovak i inšych formach. Dyj prosta ludzi buduć prachodzić pobač i bačyć, što niešta adbyvajecca», — skazaŭ Janukievič. Taksama jon zapeŭniŭ, što miascovyja niezaležnyja ŚMI buduć aśviatlać Dzień Voli i paviedamlać pra mierapryjemstvy.
Što jašče?
Šeście 24 sakavika — nie adzinaje mierapryjemstva, zapłanavanaje da śviatkavańnia 95-ch uhodkaŭ abviaščeńnia niezaležnaści BNR.
22 sakavika — adkryćcio vystavy mastackaj supołki «Pahonia» (uprava BNF, pačatak a 16:00)
23 sakavika — navukovaja kanfierencyja, pryśviečanaja Kastusiu Kalinoŭskamu i paŭstańniu
25 sakavika — uskładańnie kvietak da pomnikaŭ Janku Kupału, Jakubu Kołasu i Maksimu Bahdanoviču (pačatak, a 11:00), a zatym — vynikovaja kanfierencyja (uprava BNF, pačatak a 15:00)
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»13
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary