«Uvieś biełaruski narod u bamžavatym vyhladzie» — tekst ekśpiertyzy ekstremisckich zdymkaŭ «Pres-fota Biełarusi»
Adna z arhanizatarak«Ekstremizm znajšli navat u rubrykach „Sport“ i „Pryroda“», — adznačaje jana.«Pres-fota Biełarusi» Julija Daraškievič apublikavała tekst ekśpiertyzy alboma fotakonkursa, zroblenaj ideołahami i vykładčykami na zamovu KDB.
Ekśpiertnaja kamisija ŭklučała ŭ siabie čatyroch čałaviek: heta Skrabko, načalnik upraŭleńnia ideałohii Hrodzienskaha abłvykankama, Chiluta, zahadčyk kafiedry kryminalnaha prava i kryminałohii jurfaka Hrodzienskaha ŭniviersiteta (HrDU), Šulha, zahadčyca kafiedraj zamiežnych movaŭ HrDU, Bondar, staršy vykładčyk kafiedry dyzajnu HrDU.
Asablivuju ŭvahu jany źviarnuli na nastupnyja zdymki. Pryvodzim ich z tłumačeńniem ekśpiertaŭ.
U anatacyi da fatahrafii «Demanstrant, źbity milicyjantami, lažyć la ścienaŭ Doma ŭrada» ŭtrymlivajucca zahadzia iłžyvyja źviestki, pradstaŭlenyja va ŭłasnych vydumkach aŭtara ŭ vyhladzie hrubaj charaktarystyki jakaściaŭ i dziejańniaŭ supracoŭnikaŭ siłavych struktur u vyhladzie vykazvańnia «źbity milicyjantami», heta značyć supracoŭniki siłavych struktur padajucca jak niepadkantrolnyja, niebiaśpiečnyja asoby, patencyjnyja krynicy prablem, jakija vyklikajuć strach i bojaź u inšych, jakija parušajuć zakon.
Prypisvańnie sałdatam i aficeram pravaachoŭnych słužbaŭ nizkich maralnych jakaściaŭ, a taksama supraćpraŭnych dziejańniaŭ, jakija ździajśniajucca imi (pieravyšeńnie słužbovych paŭnamoctvaŭ), supiarečyć normam marali, pryniatym u hramadstvie, prynižaje i abražaje ich čałaviečuju hodnaść i dyskredytuje ich: źmianšaje aŭtarytet dziaržaŭnaj ułady, padryvaje davier da orhanaŭ ułady z boku zamiežnych dziaržaŭ, zamiežnych abo mižnarodnych arhanizacyj.
Kamientar da fatahrafii «Sarvany dziaržaŭny ściah lažyć na vulicy paśla akcyi pratestu» źjaŭlajecca ułasnaj vydumkaj aŭtara, jakaja źmianšaje honar i hodnaść biełaruskaha naroda — Dziaržaŭny simvał Respubliki Biełaruś.
Fotamateryjały rubryki «Ludzi aktualnyja ŭ navinach»:
U anatacyi da fatahrafii «Aktyvist rychtuje ahitacyjnyja materyjały dla adnaho z kandydataŭ na svaim leciščy. Dziaržaŭnyja vydaviectvy admaŭlajucca vyrablać pradukcyju dla appazicyjnych palitykaŭ» źmiaščajucca łžyvyja źviestki ŭ vyhladzie skažeńnia praŭdzivaj infarmacyi ŭ pravavoj śfiery ab dziejańniach dziaržaŭnych orhanaŭ pa zabaronie padrychtoŭki ahitacyjnaj pradukcyi dla kandydataŭ na pasadu kiraŭnika dziaržavy i vybarčaha zakanadaŭstva Respubliki Biełaruś.Raspaŭsiud padobnaj zahadzia iłžyvaj infarmacyi źmianšaje aŭtarytet dziaržaŭnych orhanaŭ, źnievažaje honar i hodnaść biełaruskaha naroda jak nieadjemnaj častki dziaržavy i padryvaje davier da orhanaŭ ułady z boku zamiežnych dziaržaŭ i žycharoŭ Respubliki Biełaruś. Aproč hetaha, prapahandujecca supraćpraŭnaja dziejnaść pa vyrabie i raspaŭsiudžvańni niezakonnaj pradukcyi.
Fotamateryjał z anatacyjaj «Čałaviek staić na partrecie dziejnaha prezidenta Alaksandra Łukašenki padčas adnaho ź mitynhaŭ, arhanizavanych apazicyjnymi kandydatami» źjaŭlajecca abraźlivym nie tolki dla Kiraŭnika dziaržavy, ale i ŭsiaho biełaruskaha naroda, jaki svajoj volaj abraŭ Prezidenta.Źjaŭlajecca źniavahaj nacyjanalnaha honaru i hodnaści biełaruskaha naroda, prynižaje aŭtarytet Prezidenta siarod nasielnictva Respubliki Biełaruś i za jaje miežami.
Fotamateryjały rubryki «Štodziennaje žyćcio»:
Fotazdymki z anatacyjaj «Abaviazkovy prahlad viečarovych navinaŭ. A 21:00 usie vajskoŭcy terminovaj słužby abaviazany hladzieć infarmacyjnuju prahramu «Panarama» na dziaržaŭnym kanale biełaruskaha telebačańnia. Hety elemient ideałahičnaha vychavańnia vykarystoŭvaŭsia jašče ŭ armii Savieckaha Sajuza i zachavaŭsia ŭ biełaruskim vojsku, jakoje ličyć siabie pierajemnikam tradycyjaŭ savieckich Uzbrojenych siłaŭ «, z anatacyjaj «Štodzionnaja viečarovaja pracedura padšyvańnia padkaŭnierykaŭ padčas prahladu „Panaramy“ na dziaržaŭnym telebačańni. Jak tolki aficer vychodzić z kazarmy, nudnyja naviny pieraklučajuć na novy bajavik», z anatacyjaj «Prahlad infarmacyjnaj prahramy „Panarama“ dziaržaŭnaha telebačańnia» źjaŭlajecca ŭłasnaj vydumkaj aŭtara tekstu i śviedčyć ab raspaŭsiudžvańni im zahadzia skažonaj infarmacyi ab žyćciadziejnaści vajskoŭcaŭ va Uzbrojenych siłach Respubliki Biełaruś.
Fotazdymak z anatacyjaj «Mužčyny prymiarajuć kapielušy na vuličnym kirmašy» padaje žycharoŭ biełaruskaha nasielenaha punkta, a ŭ ich asobie, uvieś biełaruski narod, u niepryvabnym vyhladzie — žabrakami, bamžavataha vyhladu na fonie novych zachodnich rečaŭ.Raspaŭsiud takoj infarmacyi ŭ srodkach masavaj infarmacyi farmuje ŭ čytačoŭ skažonyja ŭjaŭleńni ab maralnym abliččy biełaruskaha naroda, prynižaje nacyjanalny honar i hodnaść biełarusaŭ jak nacyi i vyklikaje niehatyŭnaje staŭleńnie čytačoŭ da Biełarusi ŭ cełym.
Fotamateryjały rubryki «Partret»:
Fotazdymak ažyćcioŭleny z padobnaha rakursu śpiecyjalna, kab pradstavić Kiraŭnika dziaržavy ŭ niepryvabnym vyhladzie, što źjaŭlajecca abraźlivym ŭ adnosinach da Prezidenta Respubliki Biełaruś, źmianšaje jaho aŭtarytet i padryvaje davier da jaho z boku zamiežnych dziaržaŭ i žycharoŭ Respubliki Biełaruś.
Fotamateryjały rubryki «Sport» pradstaŭlenyja elemienty spartyŭnaha žyćcia ŭ Respublicy Biełaruś u nizka estetyčnym rakursie, miescami — u nieprystojnym vyhladzie, u cełym niehatyŭna demanstruje pakazanuju śfieru žyćcia biełaruskaha hramadstva.
Fotamateryjały rubryki «Pryroda» źmiaščajuć fatahrafii zboru, narychtoŭki i kansiervacyi hryboŭ na fonie znaka radyjacyjnaj niebiaśpieki, ilustrujučy ŭ styli alehoryi prynižalny stan biełaruskaj nacyi, jaje pryrody.
* * *
Takim čynam, fotaalbom «
Pry hetym padborka materyjałaŭ źmiaščaje tolki niehatyŭnyja momanty žyćcia biełaruskaha naroda, pakidaje ŭ čytača tolki niehatyŭnyja ŭražańni, jak pra biełaruskich žycharach, tak i pra dziaržavu ŭ cełym, što śviedčyć ab raspaŭsiudžvańni skažonaj infarmacyi pra Biełaruś, prynižaje nacyjanalnuju honar i hodnaść biełaruskaha naroda.
Kamientary