Minekanomiki: Rost składskich zapasaŭ ajčynnaj pradukcyi značny, ale nie katastrafičny
Składskija zapasy biełaruskaj pradukcyi «vyraśli značna, ale nie katastrafična», zajaviŭ namieśnik ministra ekanomiki Alaksandr Jarašenka 25 krasavika na pres-kanfierencyi ŭ Minsku.
«Šeśćdziesiat vosiem pracentaŭ da siaredniamiesiačnaj vytvorčaści — heta nie katastrofa, pieravyšeńnie našaha narmatyvu na 17%», — adznačyŭ namieśnik ministra. Z pačatku 2013 hoda składskija zapasy pavialičylisia na 10,2 trłn. rubloŭ i dasiahnuli 32 trłn. rubloŭ.
Jość niekalki faktaraŭ, źviazanych z rostam składskich zapasaŭ, zajaviŭ Jarašenka. Siarod ich — uvachodžańnie Rasii ŭ SHA i źviazanaje z hetym «adkryćcio jaje miežaŭ i rost kankurencyi», a taksama «ahulnaje prasiadańnie źniešnich rynkaŭ».
«Na moj pohlad, heta ŭsio abjektyŭnyja faktary, jany majuć miesca być. Ale my pieradusim pavinny razhladać situacyju hledziačy na siabie, z našaha punkta hledžańnia, ekanomiki i kankurencyi», — skazaŭ namieśnik ministra.
Jarašenka taksama adznačyŭ, što ŭ pieryjad devalvacyi nacyjanalnaj valuty Biełaruś «zdoleła fizična naraścić pastaŭki pradukcyi ŭ Rasiju, mieła mahčymaść kankuryravać pa cenavych faktarach».
«Ciapier efiekt devalvacyi skončyŭsia. Pieravahi pa canie my ŭžo nie adčuvajem, jak tady, kali devalvavali valutu», — kanstatavaŭ jon. Ciapier «uźnikaje pytańnie jakaści pradukcyi, pa hetym pakazčyku jana pavinna być kankurentazdolnaja», padkreśliŭ Jarašenka.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie11
Kamientary