Adnavilisia pracy na budaŭničaj placoŭcy zabaŭlalnaha centra «Bulbaš-choł», jakaja znachodzicca pobač z Kurapatami, miescam masavych rasstrełaŭ achviaraŭ palityčnych represij 1930-ch.
Pracy pa ŭźviadzieńni «Bulbaš-choła» praciahvajucca. Tam kładuć tratuarnuju plitku, paradkujuć terytoryju, vysadžvajuć drevy, staviać novy taniravany płot. Heta adbyvajecca niahledziačy na toje, što Hienieralnaja prakuratura zahadała spynić budaŭnictva da raspracoŭki novaha horadabudaŭničaha prajektu, jaki musiŭ być padrychtavany Minabłvykankamam da 1 maja», — paviedamiła kaardynatarka inicyjatyvy «Za ŭratavańnie miemaryjała Kurapaty» Hanna Šapućka.
Z boku «Bulbaš-choła» Kurapaty zavalenyja śmiećciem: paddony z-pad plitki, budaŭničy druz, reštki staroj mebli, kaža Šapućka.
Minabłvykankam musić raspracavać horadabudaŭničy prajekt, u jakim pavinny być abaznačanyja miežy achoŭnaj zony «Kurapaty». Zatym prajekt pavinna razhledzieć i zaćvierdzić Ministerstva kultury. Paśla hetaha prajekt vynosicca na hramadski razhlad, i tolki pa vynikach jaho mahčymaje dalejšaje budaŭnictva. U liście Ministerstva kultury, jaki padpisaŭ namieśnik ministra Viktar Kuraš, śćviardžajecca, što raspracoŭki horadabudaŭničaha prajekta z vyznačeńniem miežaŭ achoŭnaj zony «Kurapaty» ŭ ministerstva nie pastupali.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary