Hramadskaje abjadnańnie «Sustreča», jakoje dziejničaje ŭ śfiery prafiłaktyki ŚNID, vysialajuć na vulicu
Arhanizacyja pracuje ad 1998 hoda, jaje prafiłaktyčnaj dapamohaj za apošnija dva hady skarystalisia amal 11000 čałaviek.
Abjadnańnie vysielili z pamiaškańnia ŭ Miensku, dzie znachodzicca jaho jurydyčny adras. Heta moža pryvieści da likvidacyi abjadnańnia «Sustreča», paviedamiŭ karespandentu Svabody staršynia jaho rady Aleh Jaromin: «Na 18 červienia ŭžo pryznačany aŭkcyjon, i my znoŭ budziem pretendavać na hetaje pamiaškańnie, ź jakoha my vyvieźli ŭsiu meblu j inšyja rečy. Pavodle zakonu jurydyčny adras zachoŭvajecca ciaham dvuch miesiacaŭ paśla skasavańnia damovy arendy. Kali za hety čas my nia znojdziem novaha pamiaškańnia, tady ŭ nas buduć surjoznyja prablemy. Nas vysialajuć, parušajučy damovu ab arendzie, jakaja była zaklučana na try hady i jašče dziejničaje. My stała płacili za arendu. My prasili nie skasoŭvać damovu arendy, ale nijakaha adkazu nie atrymali. Svajoj piačatki i podpisu pad damovaj ab skasavańni damovy arendy ja nia staviŭ. Ale pry hetym pamiaškańnie ŭžo vystaŭlena na aŭkcyjon».
Karespandent: «Ci mahčyma znajści inšaje pamiaškańnie?»
Jaromin: «Znajści niaciažka, ale pa canie ad 27 eŭra i vyšej. A pa 12–15 eŭra znajści vielmi ciažka».
Karespandent: «Vam patłumačyli, čamu vas vysialajuć?»
Jaromin: «Nie, choć ja dvojčy źviartaŭsia da načalnika ŭpraŭleńnia budynkaŭ respublikanskaj ułasnaści Alaksandra Prylišča. Jany prosta kazali — maŭlaŭ, chočuć, i ŭsio, a tłumačyć nia buduć».
Hałoŭnaje haspadarčaje ŭpraŭleńnie pry prezydentu inicyjavała skasavańnie damovaŭ arendy i ŭ niekatorych inšych haradach Biełarusi, dzie isnujuć ananimna-kansultacyjnyja punkty «Sustrečy».
Na dumku kiraŭnictva «Sustrečy», takija dziejańni ŭładaŭ vyklikanyja tym, što arhanizacyja zajmajecca prafilaktykaj VIČ/ŚNID siarod mužčyn, jakija zajmajucca seksam z mužčynami.
Staršynia rady Aleh Jaromin patłumačyŭ, što «Sustreča» — unikalnaja, adzinaja ŭ krainie arhanizacyja, jakaja daje dostup da peŭnych pasłuhaŭ u halinie prafilaktyki VIČ-infekcyi. «Sustreča» nie zajmajecca palityčnaj dziejnaściu i zaŭsiody supracoŭničała ź dziaržavaj dziela procidziejańnia epidemii ŚNID u krainie.
«Sustreča» dziejničaje ŭ sfery prafilaktyki ŚNID z 1998 hodu. Jana arhanizuje ananimnuju dyjahnostyku i kansultavańnie. Jaje prafilaktyčnaj dapamohaj za apošnija dva hady skarystalisia amal adzinaccać tysiač čałaviek.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary