Supracoŭnik banka, trapiŭšy pad skaračeńnie, skraŭ 740 tysiač dalaraŭ

Supracoŭnik «BPS-Aščadbanka» ačyściŭ dźvie depazitnych jačejki, adna ź jakich była źniataja namieśnikam hiendyrektara velcom Robiertam Dašanam.

Na łavie padsudnych u sudzie Centralnaha rajona Minska apynulisia były supracoŭnik AAT «BPS-Aščadbank» Uładzimir Lutarevič i jaho małady znajomy Michaił Vizhir. Pieršamu vystaŭlenaje abvinavačańnie ŭ ździajśnieńni złačynstva pa č. 4 art. 205 Kryminalnaha kodeksa Biełarusi (kradziež u asabliva bujnym pamiery), a druhomu — u dapamozie hetamu kradziažu. Adnak abodvum pahražaje adnolkava surovaje pakarańnie — artykuł praduhledžvaje da 12 hadoŭ pazbaŭleńnia voli z kanfiskacyjaj majomaści.

U pačatku słuchańniaŭ advakat byłoha supracoŭnika «BPS-Aščadbanka» zajaviŭ, što abvinavačanyja častkova pakryli naniesienuju škodu i abiacajuć da kanca pracesu raźličycca z paciarpiełymi całkam. Adnak sudździa abiacańni abvinavačanych u raźlik nie pryniaŭ, zajaviŭšy, što pry vyniasieńni prysudu budzie vidać, chto i jakuju škodu pahasiŭ.

Jak raskazali ŭ Śledčym kamitecie, ačyścić depazitnyja jačejki «BPS-Aščadbanka»54-hadovy Uładzimir Lutarevič vyrašyŭ paśla taho, jak kiraŭnictva paviedamiła jamu pra toje, što jon trapiŭ pad skaračeńnie. Abvinavačany kuryravaŭ pracu depazitaryja, čym i vyrašyŭ skarystacca. Jon zrabiŭ adbitki ad dźviuch depazitnych jačejek u depazitaryi, a potym sam vyrazaŭ klučy da ich. Pakolki sam jon vynieści 740 tysiač dalaraŭ z banka nie moh, to pryciahnuŭ da spravy svajho znajomaha Michaiła Vizhira, jakomu paabiacaŭ pałovu vykradzienaha.

Siarod paciarpiełych apynuŭsia namieśnik hienieralnaha dyrektara pa markietynhu kampanii velcom Robiert Dašan, jaki zachoŭvaŭ u svaim bankaŭskim siejfie 340 tysiač dalaraŭ, i ŭładalnik bujnoj aŭdytarskaj kampanii, jaki straciŭ 400 tysiač dalaraŭ.

Cikava, što kradziež z depazitnych jačejek klijentaŭ byŭ ździejśnieny paśpiachova. U banku jaho navat nie zaŭvažyli,

Kradziež zaŭvažyli tolki tady, kali ŭ listapadzie 2012 uładalnik aŭdytarskaj kampanii pryjšoŭ u bank pravieryć źmieściva svajho siejfa. Tady i vyśvietliłasia, što adtul źnikli 400 tysiač dalaraŭ. Jašče praz dvaccać dzion pustym svoj siejf znajšoŭ i namieśnik hienieralnaha dyrektara velcom Robiert Dašan. U banku navat nie mahli skazać dakładna, kali byŭ ździejśnieny kradziež. Pravaachoŭniki apieravali pieryjadam u paŭtara miesiaca, płanamierna vyvučajučy ŭsich mahčymych padazravanych. Da taho času Uładzimir Lutarevič užo pracavaŭ načalnikam adździeła prodažaŭ u bujnoj handlovaj kampanii. U «BPS-Aščadbanku» admovilisia prakamientavać, jak staŭ mahčymy kradziež i jakija miery pryniatyja, kab takoje bolš nie paŭtaryłasia.

Znajści padazravanaha ŭdałosia tolki praz try miesiacy, ale padčas pieratrusu ŭ jaho vyjavili tolki 250 tysiač dalaraŭ.

Na žal, daviedacca inšyja cikavyja padrabiaznaści hetaj biesprecedentnaj dla Biełarusi spravy nie ŭdałosia. U samym pačatku sudovych słuchańniaŭ advakat Robierta Dašana zajaviŭ chadajnictva ab tym, kab zrabić pasiadžeńnie suda zakrytym na toj padstavie, što na im buduć ahučanyja dadzienyja, jakija źjaŭlajucca bankaŭskaj i padatkovaj tajamnicaj. Havorka nie tolki ab depazitnych vočkach u «BPS-Aščadbanku», ale i ab układach u čatyroch inšych bankach.

Sud zadavoliŭ hetaje chadajnictva. Čakajecca, što raźbiralnictva abstavinaŭ spravy zavieršycca na praciahu tydnia. Paśla hetaha ŭdzielnikam pracesu budzie dadziena jašče 10 dzion na abskardžańnie prysudu abo vyniasieńnie pratestu.

• 0
• 0
• 0
• 0
• 0
• 0
• 0
• 0