Mierkavanym vykradalnikam čatyrochhadovaj Madlen Makiejn nazvany rabotnik partuhalskaha hatela, u jakim dziaŭčynka znachodziłasia z baćkami. Ab hetym piša The Mirror.
Rabotnik hatela zahinuŭ u avaryi ŭ 2009 h. Palicyja nazvała jaho jak hałoŭnaha padazravanaha paśla analizu telefanavańniaŭ u numar siamji Makiejn - supracoŭnik hatela telefanavaŭ niekalki raz u dzień vykradańnia dziaŭčynki, paviedamlaje gazeta.ru
Rasśledavańnie pa spravie ab źniknieńni trochhadovaj dziaŭčynki Madlen Makiejn było adnoŭlena pa inicyjatyvie jaje baćkoŭ paśla adkryćcia novych padrabiaznaściaŭ. Śledčyja nie vyklučajuć, što złačynca moh zabić dzicia.
Madlen Makiejn źnikła ŭ mai 2007 h. u Partuhalii. Baćki znachodzilisia na kurorcie. Adnojčy ŭviečary dziaŭčynku pakinuli ŭ pakoi, a sami pajšli viačerać, a kali viarnulisia, to pabačyli, što Madlen niama.
Paźniej palicyja vinavaciła ŭ źniknieńni dziaŭčynki baćkoŭ. «Jana pamierła ŭ hateli ŭ vyniku trahičnaha incydentu [palicyjaj vykazvałasia mierkavańnie, što baćki dali joj bolšuju dolu snatvoranaha, kab zasnuła], i jaje baćki prydumali historyju pra źniknieńnie, kab paźbiehnuć pakarańnia», — zajaŭlaŭ u sudzie Tavareš de Ałmiejda, jaki ŭznačalvaŭ rasśledavańnie ŭ pieršyja miesiacy paśla źniknieńnia dziaŭčynki.
Źniknieńnie Madlen Makiejn było vielmi rezanansnym i šyroka aśviatlałasia ŭ presie.
Za infarmacyju była abiacana vialikaja ŭznaharoda.
Kamientary