U Lelčycach 7-hadovy chłopčyk pravioŭ u kanalizacyi pa kalena ŭ vadzie 10 hadzin
Jak paviedamlaje adździeł infarmacyi i hramadskich suviaziej UUS Homielskaha abłvykankama, zajava ŭ milicyju ab źniknieńni syna, vučnia druhoha kłasa, pastupiła ad žycharki Lelčycaŭ.
Ranicaj dzicia pajšło ŭ škołu, ale na zaniatkach nie źjaviłasia, i jaho miescaznachodžańnie było nieviadomaje.
Źviazacca z synam baćki nie mahli, bo svoj mabilny telefon jon zabyŭ doma. Patelefanavaŭšy znajomym i pravieryŭšy ŭsie mahčymyja miescy znachodžańnia syna, baćki źviarnulisia ŭ milicyju.
Adrazu paśla pastupleńnia paviedamleńnia byŭ arhanizavany pošuk dziciaci. Asabovy skład Lelčyckaha RAUS byŭ uźniaty pa tryvozie.
Supracoŭnikam adździeła była pastaŭlena zadača da nastupleńnia ciemnaty ŭstanavić miescaznachodžańnie dziciaci.
Paryvisty viecier i zavirucha nie davali mahčymaści praciahvać pošuk.
Pračesvajučy miascovaść, namieśnik načalnika Lelčyckaha RAUS pa ideałahičnaj rabocie i kadravym zabieśpiačeńni padpałkoŭnik milicyi Siarhiej Kasinski pačuŭ z-pad ziamli stohny.
Paśla dakładnaha abśledavańnia miascovaści jon znajšoŭ ledź prykmietny adkryty kanalizacyjny kałodziež. U im na hłybini bolš čym dva mietry i pa kalena ŭ vadzie znachodziŭsia chłopčyk.
Kasinski pry dapamozie inšych supracoŭnikaŭ milicyi padniaŭ dzicia z kałodzieža, paśla čaho paciarpiełaha dastavili ŭ Lelčyckuju centralnuju rajonnuju balnicu.
Z dyjahnazam «ahulnaje pieraachaładžeńnie» jon byŭ źmieščany ŭ reanimacyjnaje adździaleńnie. Ciapier stan chłopčyka aceńvajecca jak zdavalniajučy.
Praz dva dni supracoŭniki Lelčyckaha RAUS naviedali chłopčyka ŭ balnicy i pažadali chutčej papravicca.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie24
Kamientary