Žyvaja tranślacyja z Kijeva:
I jašče adna:
06:15
Jacaniuk: Janukovič prapanavaŭ nam zdacca
05:55
Siłaviki abkružyli Stełu Niezaležnaści ŭ Kijevje
05:35
03:01
Druhi načny šturm adbity, ličba zabitych demanstrantaŭ dasiahnuła
01:37
Novaja ataka śpiecnaza z boku Jeŭrapiejskaj płoščy
23:27
U Lvovie niekalki sotniaŭ čałaviek zachapili budynak abłasnoj administracyi
23:25
Bieły dom zaklikaŭ Janukoviča nieadkładna sieści za stoł pieramovaŭ z apazicyjaj
22:54
Bieły dom zaklikaŭ Janukoviča nieadkładna pačać pieramovy z apazicyjaj
22.53
U kramach Kijeva źnikli chleb i pradukty pieršaj nieabchodnaści
22.49
U kamiendanta Jeŭramajdana zdaryŭsia insult
22.48
Śpiecnaz prarvaŭ barykady Majdanu z boku Jeŭrapiejskaj płoščy
22.39
Deputat-rehijanał: Ciaham hadziny Majdan budzie razahnany
22.08
Abarvałasia viaščańnie ŭkrainskaha niezaležnaha Piataha kanała praz spadarožnik
22.07
Žurnalisty: na Majdanie bačyli zabitaha
21.36
Paplečnica Janukoviča ahučyła ŭltymatum da ŭkrainskaj apazicyi
21.33
Majdan śpiavaje «Šče ne vmerła Ukraina» padčas šturmu
21.24
Pratestoŭščykaŭ na Majdanie razhaniajuć vadamiotami
21.08
Šturm Majdanu: abaroncy padpalili adzin z BTRaŭ
20.55
Milicyja pačała šturm Majdanu. Šturmu papiaredničała patrabavańnie siłavikoŭ, źviernutaje da pratestoŭcaŭ: pakinuć Majdan dla praviadzieńnia milicyjaj «antyterarystyčnaj apieracyi».
20.41
Žychary Kijeva spynili i raźviarnuli BTR
20.16
Budujucca novyja barykady:
Muzyka, niahledziačy ni na što. Udzielnik abarony Majdanu hraje na słavutym žoŭta-błakitnym pijanina:
Pad viečar na vulicach Kijeva byli zaŭvažanyja bronietransparciory:
Siłaviki, uzbrojenyja aŭtamatami Kałašnikava, u centry Kijeva:
20.14
Ułady adklučyli viaščańnie adzinaha niezaležnaha 5 kanała
20.06
20.03
19.25
U centry Kijeva — transpartny kałaps
18.59
18:35
Zaŭtra Janukovič sustreniecca ź lidarami ŭkrainskaj apazicyi. Pra heta paviedamiŭ staršynia Viarchoŭnaj Rady Uładzimir Rybak.
18:28
Dva nieruchomyja cieły (sprava) lažać kala barykady na Instytuckaj:
«Bierkut» na hanku Žaŭtnevaha (Kastryčnickaha) pałaca:
18:16
Lidar frakcyi «Baćkaŭščyna» Arsienij Jacaniuk zajaŭlaje, što Majdan nie adstupić.
Pra heta jon skazaŭ sa sceny na Majdanie.
«Nijakaj paniki. My nie adstupim. Ni kroku nazad. Heta naša prastora svabody, i my budziem jaje baranić», - padkreśliŭ Jacaniuk.
Na Majdanie śviatary adsłužyli malebien, jaki pieryjadyčna pieraryvaŭsia vystupami aktyvistaŭ. Sa sceny zaklikali ŭsich ukraincaŭ jechać na Majdan.
17:58
Niekalki sotniaŭ sałdataŭ unutranych vojskaŭ abkłali «Ukrainski dom» u Kijevie, zaniaty pratestoŭcami.
Adnačasova bajcy «Bierkutu» atakavali mitynhavalnikaŭ kala Žaŭtnevaha (Kastryčnickaha) pałaca.
Pratestoŭcy pabiehli da Majdanu Niezaležnaści.
Tam časam «Bierkut» zakidvaje namioty na Majdanie «kaktejlami Mołatava» i raźbiraje barykadu na vuł.Instytuckaj, jakaja adździalaje jaho ad Majdanu.
17:54
Na zachadzie Ukrainy — u Lvovie, Ternopali i Čarnaŭcach — abviaścili mabilizacyju na Majdan.
17:39
Na barykadzie na vulici Instytuckaj, kala ŭvachodu ŭ mietro «Chraščacik», lažyć niabožčyk, pieradaje karespandent UNIAN. Minaki žachajucca, a «Bierkut» nie źviartaje nijakaj uvahi. Pad barykadu padahnali vadamiot.
17:34
Miedsłužba Majdanu zajaviła, što ŭ siońniašnich sutyčkach ź siłavikami paciarpieli kala 150 aktyvistaŭ. Paranienych i źbitych dastaŭlajuć u Dom prafsajuzaŭ, dzie raźmieščany Štab nacyjanalnaha supracivu.
17:24
Kijeŭskaje mietro spyniła ruch. Pasažyraŭ prosiać vychodzić sa stancyj.
17:19
Jak paviedamili vidavočcy «Ukrajinśkij pravdi», pratestoŭcy ŭvajšli ŭ budynak Kijeŭskaj haradskoj dziaržadministracyi. Ich niekalki dziasiatkaŭ čałaviek, achoŭnikam, jakija znachodzilisia ŭ budynku, dazvolili adtul syści.
Aktyvisty aścierahajucca, što ŭ vypadku ataki «Bierkuta» jany nie zmohuć abaranić Majdan, a budynak moža stać dobrym apornym punktam. Ciapier jany rajacca ź lidarami Majdana, ci varta zajmać budynak KHDA znoŭ.
17:13
«Bierkut» zachapiŭ Jeŭrapiejskuju płošču i honć ludziej na Majdan, paviedamlaje UNIAN.
Siłaviki padyšli da apošniaj barykady na vuł. Instytuckaj, što adździalaje ich ad terytoryi Majdanu. Za barykadaj pierahrupoŭvajucca kala 5 tysiač pratestoŭcaŭ. Jany źbirajucca jaje adstojvać.
17:07
MUS i Słužba biaśpieki Ukrainy zajavili, što dajuć pratestoŭcam čas da 18.00 (19:00 pa minskim časie), kab «spynić biesparadki». Lidaraŭ apazicyi jany zaklikajuć supakoić ludziej i viarnucca za stoł pieramovaŭ. U advarotnym vypadku abiacajuć sucišyć pratestoŭcaŭ «usimi srodkami, praduhledžanymi zakonam».
16:29
Demanstranty kidajuć «kaktejli Mołatava» ŭ «Bierkut»:
Haryć brama kala Kijeŭskaj haradskoj administracyi:
Cieły ludziej u miedpunkcie ŭ Domie aficeraŭ:
Paranieny demanstrant:
Demanstranty taraniać šerahi siłavikoŭ hruzavikom:
Deputaty Partyi rehijonaŭ śpiešna ŭciakajuć z budynka VR:
Paranienyja i demaralizavanyja supracoŭniki milicyi:
15.55
Kijeŭskaje mietro spyniła ruch
15:42
Na Hrušeŭskaha mitynhoŭcy i milicyjanty pierajšli da aktyŭnych dziejańniaŭ.
fota UNIAN
Milicyja časam kidaje ŭ aktyvistaŭ śviatło-šumavyja hranaty. U svaju čarhu mitynhoŭcy aktyŭna vykarystoŭvajuć pietardy i čas ad času — «kaktejli Mołatava».
Taksama časam čuvać streły z traŭmatyčnaj zbroi. Abodva baki zakidvajuć adzin adnaho kamianiami.
Dziejańni pratestoŭcaŭ i milicyi nie nosiać eskałacyjnaha charaktaru, chutčej, havorka moža iści pra adzinkavyja sutyčki.
15:07
Na Hrušeŭskaha ŭžyli vadamioty.
«Bierkut» pajšoŭ u nastup pa vulicy Instytuckaj ŭ bok Majdana Niezaležnaści. Adnaviłasia bojka na rahu vulic Instytuckaj i Šaŭkavičnaj. U Maryinskim parku mitynhoŭcy rychtujucca da novych mahčymych sutyknieńniaŭ ź milicyjaj.
Jany raźbirajuć i raskołvajuć na kavałki cehłu, jakoj brukavany darožki ŭ parku, składajuć jaje kupkami.
«Pravy siektar» zaklikaŭ uładalnikaŭ ahniastrelnaj zbroi vyjści na Majdan.
14:48
Mitynhoŭcy praciahvajuć šturmavać kardon milicyi, jaki pierakryŭ vulicu Šaŭkavičnuju ŭ kirunku Viarchoŭnaj Rady Ukrainy.
Milicyja zakryłasia ščytami, u ich mitynhoŭcy bieśpierapynna kidajuć kamiani. Na domie № 19- A znoŭ źjavilisia troje snajpieraŭ. Akramia taho, pravaachoŭniki kidajuć u ludziej hranaty sa ślozaciečnym hazam i adkryli ahoń z dachu doma z traŭmatyčnaj zbroi.
Taksama mitynhoŭcy padpalili hruzavyja aŭtamabili, jakija pierakryvajuć vulicu Sadovuju ŭ kirunku VR. Pałonnych milicyjanieraŭ viaduć na Majdan.
14:44
Na rahu Instytuckaj i Šaŭkavičnaj u Kijevie pačaŭsia žorstki razhon.
«Bierkut» stralaje ŭ natoŭp. Pa stanie na 14:20 Bierkut adcisnuŭ ludziej da Krepasnoha zavułku.
14:25
«Bierkut» pajšoŭ u ataku z boku vulicy Šaŭkavičnaj u kirunku ad budynka Viarchoŭnaha Suda.
Mitynhoŭcy adcisnuli «bierkutaŭcaŭ» sa skryžavańnia vulic Šaŭkavičnaj i Instytuckaj, sutyknieńni praciahvajucca ŭ hłybini vulicy Šaŭkavičnaj, kudy adstupiŭ «Bierkut». Mitynhoŭcy ŭziali ŭ pałon niekalkich milicyjantaŭ.
13:59
Sutyknieńni pamiž aktyvistami Majdana i milicyjantami ŭ Maryinskim parku Kijeva spynilisia.
Milicejski kardon adyšoŭ uhłyb parku, bližej da namiotaŭ prychilnikaŭ Partyi rehijonaŭ.
Tym časam «Bierkut» adcisnuŭ mitynhoŭščykaŭ ad ofisa Partyi rehijonaŭ.
13:12
Tym časam na Hrušeŭskaha, dzie znoŭ pałajuć šyny, pakul situacyja spakojnaja. Kala barykad vystrailisia niekalki sotniaŭ bajcoŭ samaabarony ŭ poŭnaj amunicyi. Na dadzieny momant nivodny z bakoŭ — ni bajcy śpiecpadraździaleńniaŭ z boku vulicy Hrušeŭskaha, ni mitynhoŭcy z boku Jeŭrapiejskaj płoščy — nie robiać niejkich aktyŭnych dziejańniaŭ.
Taksama pradstaŭniki samaabarony pieraharadzili dostup da barykadaŭ prostym prachožym i mirnym mitynhoŭcam, jakich ciapier sabrałasia davoli vialikaja kolkaść na vulicy Hrušeŭskaha.
13:02
Kličko: Apazicyja hatova sfarmavać urad
Apazicyja hatova ŭziać na siabie adkaznaść za farmiravańnie novaha ŭrada ŭ krainie, ale prezident Janukovič pavinien abviaścić daterminovyja vybary.
Pra heta na bryfinhu ŭ Viarchoŭnaj Radzie Ukrainy zajaviŭ lidar frakcyi «UDAR» Vital Kličko.
Pavodle jaho słoŭ, vychadam ź situacyi ŭ krainie mohuć stać daterminovyja vybary.
«Prezident pavinien abviaścić daterminovyja vybary prezidenta i parłamienta… Zrabicie heta, i heta budzie vychadam i situacyi, heta budzie mužnym učynkam», — zajaviŭ Kličko.
Jon źviarnuŭsia da Janukoviča taksama z zaklikam prybrać z vulic Kijeva «Bierkut» i ŭnutranyja vojski.
Apazicyjanier zaklikaŭ Janukoviča paŭpłyvać na svaju frakcyju ŭ pytańni viartańnia da Kanstytucyi 2004 hoda.
12:50
12:37
Na vulicy Šaŭkavičnaj u Kijevie pratestoŭcy padpalili dva hruzavyja aŭtamabili «KamAZ», jakija błakavali prajeznuju častku.
Harać kabiny i piarednija koły aŭtamabilaŭ. Vulicu zavałakło čornym dymam. Mitynhoŭcy zapuskajuć «fajery» i kidajuć kamiani ŭ bok milicyi. Z boku milicyi ŭžo padjechała pažarnaja mašyna.
Amal bieśpierapynna čujucca vybuchi na prylehłych da parłamienta vulicach.
Pry hetym na praŭładnym mitynhu kala ŭklučyli pieśniu «Vstavaj, strana ohromnaja». A ad «majdanaŭcaŭ» paśla zahučała «Biez boju» «Okieana Jelzi» i Himn Ukrainy.
12:35
Na vulicy Šaŭkavičnaj paciarpieŭ fotakarespandent ahienctva Reuters, jaki ŭ hrudzi trapiła śviatłošumavaja hranata, jakaja razarvała adzieńnie.
12:01
U supraćstajańni na rahu vulic Šaŭkavičnaj i Instytuckaj u Kijevie źjaŭlajucca paciarpiełyja. Dźvie žančyny atrymali traŭmy humovymi kulami: adna ŭ vobłaść serca, druhaja ŭ tvar.
Jak paviedamlałasia, bolšaść pratestoŭcaŭ — šarahovyja hramadzianie, biez ekipiroŭki, z žoŭta-sinimi stužkami.
U zonie padziej — drennaja mabilnaja suviaź.
11:40
U Kijevie siońnia prachodzić pasiadžeńnie Viarchoŭnaj Rady Ukrainy. Apazicyja zabłakavała trybunu Rady ŭ znak pratestu suprać admovy staršyni parłamienta Uładzimira Rybaka rehistravać prajekt pastanovy ab viartańni da Kanstytucyi 2004 hoda.
Razam z tym mitynhoŭcy pasprabavali błakavać budynak VR. Na rahu Instytuckaj i Šaŭkavičnaj i na vulicy Lipskaj iduć sutyknieńni milicyi i mitynhoŭcaŭ.
Mitynhoŭcy kidajuć kamiani ŭ bok pravaachoŭnikaŭ, u adkaz milicyjanty stralajuć śviatłošumavymi hranatami. Suprać mitynhoŭcaŭ byŭ vykarystany ślezaciečny haz. Radykały špurnuli ŭ śpiecnaz kaktejl Mołatava i padpalili šyny na barykadach.
Mitynhoŭcy skandujuć: «Fašysty». Mitynhoŭcy z vulicy Sadovaj nastupajuć na łancuhi milicyi. U adkaz milicyja pačała stralać.
Miž tym učora demanstranty vykanali patrabavańni zakona pra amnistyju — razbłakavali ruch na vulicy Hrušeŭskaha i vyzvalili budynki abłasnych dziaržaŭnych administracyj.
Ukrainskaja apazicyja praciahvaje stajać na Majdanie, kab zachoŭvaŭsia siłavy cisk na Viktara Janukoviča. Ekanamičnaja situacyja zastajecca vielmi składanaj, dziaržava blizkaja da bankructva, i ŭkrainskaje hramadstva choča zaścierahčysia ad zdačy Janukovičam nacyjanalnaha suvierenitetu Rasii.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary