Žychary Bałakłavy ŭstali «žyvym ščytom» pierad rasiejskim śpiecnazam
Jany prosiać nie dapuścić krovapralićcia.
Pamiežniki Sievastopalskaha atrada marskoj achovy Dziaržpahransłužby praciahvajuć vieści pieramovy z vajskoŭcami Rasijskaj Fiederacyi. Pra heta paviedamlaje pres-słužba DPSU. Adnačasova prymajucca ŭsie miery pa niedapuščeńni siłavoha zachopu atrada i majomaści.
Pamiž kantrolna-prapusknym punktam atrada i rasijanami «žyvym ščytom» stali žychary Bałakłavy, vieterany i siemji pamiežnikaŭ. Jany prosiać nie dapuścić krovapralićcia. Pradstaŭniki rasijskaha boku nastojvajuć na vyzvaleńni vajskovaj častki, nie iduć na kantakt i nie pradstaŭlajucca. Abstanoŭka napružanaja da krajnaści.
«Dziaržaŭnaja pamiežnaja słužba Ukrainy prymaje ŭsie miery pa niedapuščeńni siłavoha supraćstajańnia i zaklikaje ŭsich nieabyjakavych hramadzian nie być pabočnymi naziralnikami i nie dapuścić krovapralićcia. Taksama ŭkrainskija pamiežniki źviartajucca da rasijskich vajskoŭcaŭ, papiaredžvajučy ab niedapuščalnaści parušeńnia zakonaŭ Ukrainy», — adznačajecca ŭ zajavie DPSU.
Nahadajem, siońnia kala 13:00 uzbrojenyja ludzi ŭ formie śpiecnazu ŭ kolkaści kala 300 čałaviek u poŭnaj bajavoj ekipiroŭcy raspačali sprobu zachopu Sievastopalskaha atrada marskoj achovy. Starejšy hetaj hrupy zajaviŭ, što ŭ jaho jość zahad ministra abarony Rasii zaniać marskuju častku.
Kamientary