Biełaruski repier Vožyk zapisaŭ trek «Bandera».
Biełaruski reper Dźmitry Zajko, viadomy pad mianuškaju Vožyk zapisaŭ svoj trek «Bandera» pad uražańniem ad padziejaŭ, jakija razharnulisia ŭ Krymie.
Pieršaje, što skazaŭ Vožyk, pakazvajučy svoj novy trek «Bandera»: «Nie chaču, kab paśla hetaj pieśni mianie zaličyli ŭ šerah barykadnych muzykaŭ, bo nijakaj lozunhavaści ci acenak u jaho nie zakładaju». Repier takim čynam vyrašyŭ adkazać usim tym, chto choča ź im abmierkavać ukrainskuju tematyku.
«Ja nie chaču viedać kolki imperskich štampaŭ ubita ŭ hałavu maim siabram dy znajomym. U jakaści adkazu ja prapanuju im pasłuchać siabie zboku. Ja prapanuju uvazie źbiralny vobraz «vatnika» i daju jamu mikrafon, časam trochu ŭstaŭlajučy i svaje piać kapiejek, jak biaź ich», - zaznačaje vykanaŭca ŭ kamentary dla Tuzin.fm
Trek «Bandera» byŭ zapisany i źviedzieny aperatyŭna, dziakujučy studyi «Čierničnaja polana». Vožyk jaho nie źbiracca ŭklučać u budučyja svaje relizy i pradstaŭlaje asobna. U tvory skarystanyja cytaty z pres-kanfierencyi Pucina, interviju Žyrynoŭskaha dy biezymiennaha «vatnika» – zaciataha małaadukavanaha rasiejskaha patryjota.
Kamientary