Trochpakajoŭku ŭ centry Harodni pradali za $10 tysiač za mietr FOTA
U pieršym kvartale 2014 hoda hučnych kuplaŭ/prodažaŭ žyłoj nieruchomaści ŭ Biełarusi nie było. Pavodle dadzienych Nacyjanalnaha kadastravaha ahienctva, zvyšdarahija katedžy, za jakija haspadary imknucca atrymać kala $2 miljonaŭ, dahetul nie karystajucca popytam.
Adnym z rekardsmienaŭ u hetaj situacyi staŭ učastak ź niezavieršanym budaŭnictvam u Baraŭlanach (niekalki kiłamietraŭ ad Minska). Pakupnica, dyrektar adnoj z farmaceŭtyčnych kampanij, vykłała za jaho bolš za $1,1 miljona. A jašče kolki daviadziecca ŭkłaści ŭ dabudavańnie!
U siehmiencie kvater taksama adbyłasia niespadziavanka.
Žyllo ŭ elitnych staličnych damach sastupiła pa canie trochpakajoŭcy ŭ centry Hrodna, pa adrasie Śviardłova, 19.
Padarunak na Dzień Śviatoha Valancina — uhoda była aformlenaja 14 lutaha — kaštavaŭ pakupniku bolš za $680 tysiač. I heta za kvateru płoščaj usiaho 65 m2!
Kvadratny mietr abyšoŭsia ŭ $10 500, u 11 razoŭ daražej, čym u siarednim pa horadzie.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary