Dziaržaŭnaja pamiežnaja słužba Ukrainy pierachodzić z režymu achovy miažy ŭ režym abarony.
Pra heta zajaviŭ staršynia Dziaržpamiežsłužby Mikałaj Litvin.
Jon adznačyŭ, što na siońnia ŭžo adpracavanaje pytańnie ab pierachodzie pracy pamiežnikaŭ z madeli mirnaha času da pracy ŭ vajennych umovach.
«Dziaržpamiežsłužba razam z pravaachoŭnymi orhanami ŭ ścisłyja terminy adnaŭlaje vajenny patencyjał, arhanizuje uzmocnienuju achovu i pierachodzić da abarony učastkaŭ miažy», — zajaviŭ Mikałaj Litvin.
Jon prainfarmavaŭ, što na siońniašni dzień błokposty uzmacniajucca BTRami, ciažkaj strałkovaj zbrojaj, i kapajucca supraćtankavyja tranšei.
Taksama, pavodle jaho słoŭ, błokposty abstalujucca sihnalizacyjnaj sistemaj, tam raźmiaščajucca ahniavyja kropki.
Akramia taho, pa słovach kiraŭnika Dziaržpamiežsłužby, ciapier viadziecca štodzionnaje patrulavańnie ŭzdoŭž miažy lohkamatornymi samalotami. «Heta daje mahčymaść bolš-mienš trymać situacyju pad kantrolem», — padkreśliŭ Mikałaj Litvin.
Kamientary