U subotu ŭ mnohich krainach śvietu pačynajecca hłabalny fłešmob suprać ahresii Kramla adnosna Ukrainy.
Aktyvisty pryniasuć u pasolstvy i konsulstvy RF, a taksama da pastajannaha pradstaŭnictva Rasii ŭ AAN u Ńju-Jorku pachavalnyja vianki, kab ušanavać achviaraŭ pucinskaj ahresii suprać Ukrainy.
Akcyju padtrymajuć žychary Taronta, Vankuviera, Haahi, Vilni, Ńju-Jorka, Varšavy, Brusiela i mnohich inšych haradoŭ śvietu, u tym liku Kijeva i Lvova.
U pryvatnaści, u Kijevie akcyja pačałasia ŭ 11:00.
«Rasija de-fakta pačała vajnu z Ukrainaj. Pucina treba spynić nieadkładna», — havorycca ŭ paviedamleńni arhanizataraŭ akcyi.
«Kolki jašče treba śmierciaŭ dla taho, kab pryznać, što Rasija pačała vajnu va Ukrainie, i što Pucina treba nieadkładna spynić?», — pytajucca arhanizatary fłešmobu.
Razam z tym arhanizatary akcyi zaklikajuć NATA kupić dva bajavych karabli Mistral, jakija Francyja źbirajecca pradać Rasii, a taksama «nieadkładna pryniać sankcyi treciaha ŭzroŭniu».
Siarod inšych patrabavańniaŭ — dać ukrainskaj armii vyratavalnyja srodki, uklučajučy miedycynskija srodki i srodki asabistaj achovy.
Akramia taho, ad Zachadu čakajuć spynieńnia luboha supracoŭnictva i biźniesu, jakija dapamahajuć Rasii madernizavać vojska, palicyju, uzbrajeńnie i spryjajuć rasijskaj ekspansii.
Udzielniki akcyi prosiać admianić vizavy režym z Ukrainaj jak maha chutčej i rasśledavać pavodziny «Hazproma», jaki «parušaje antymanapolnaje zakanadaŭstva ES i praviły SHA».
Mitynhoŭcy taksama buduć patrabavać zadziejničać strohi kantrol usich srodkaŭ, jakija pachodziać z Rasii i Biełarusi i admianić vizy viadučych antyzachodnich i antyŭkrainskich prapahandystaŭ rasijskaha režymu.
Kamientary