Samaabvieščany «premjer-ministr» tak zvanaj Danieckaj narodnaj respubliki Alaksandr Baradaj vyjechaŭ u Rasiju. Jaho abaviazki ŭziaŭ na siabie eks-ministr dziaržbiaśpieki Prydniastroŭskaj Małdaŭskaj Respubliki Uładzimir Anciufiejeŭ.
Pra heta sam Anciufiejeŭ paviedamiŭ siońnia žurnalistam u Daniecku.
Pavodle jaho słoŭ, Baradaj źjechaŭ u Rasiju, u pryvatnaści, i dla taho, kab pahladzieć, jak tam prymajuć biežancaŭ.
Anciufiejeŭ taksama pryniaŭ abaviazki «hałoŭnakamandujučaha DNR». Raniej im byŭ Strałkoŭ (Hirkin), a sam Anciufiejeŭ ličyŭsia «vice-premjer-ministram pa pytańniach dziaržaŭnaj biaśpieki».
Z 1992 pa 2012 Anciufiejeŭ zajmaŭ pasadu ministra dziaržaŭnaj biaśpieki Prydniastroŭja. U 2004 hodzie jon atrymaŭ zvańnie prafiesara Akademii vajennych navuk Rasii.
Pryniaćcie Anciufiejevym abaviazkaŭ hałoŭnakamandujučaha moža aznačać, što z raniejšym važakom bajevikoŭ Strałkovym (Hirkinym) štości nie tak. Prajšli čutki pra jaho ranieńnie. Heta supała z paviedamleńniem, što jon «pierastaje vieści błoh». Pry hetym siońnia, 28 lipienia, jon daŭ videaintervju.
Kamientary