Na terytoryi Danieckaj i Łuhanskaj abłaściej prarasijskija bajeviki ździajśniajuć napady na chramy i manastyry Ukrainskaj hreka-katalickaj carkvy i pieraśledujuć viernikaŭ.
Pra heta ŭ efiry Radyjo Svaboda zajaviŭ biskup UHKC Barys Hudziak.
«Ukrainskaja hreka-katalickaja carkva ŭ Danieckaj vobłaści pieražyvaje značnyja pieraśledy. Kafiedralny chram u Daniecku abniasłavili. Terarysty zajšli ŭ chram sa zbrojaj, bomba ŭpała na dvor, kvatera ŭładyki zapiačatanaja, aŭto kanfiskavali. Učora, da prykładu, manastyr siaścior-słužebnic u Daniecku byŭ «kanfiskavany» sieparatystami. Siońnia budzie apublikavana zajava pra heta Najvialebniejšaha Śviatasłava. Inšyja chramy na terytoryi Łuhanskaj i Danieckaj abłaściej pracujuć, ale śviatary znachodziacca ŭ pastajannaj niebiaśpiecy», — adznačyŭ Barys Hudziak.
U minułym miesiacy ŭ SNBA Ukrainy zajaŭlali, što bajeviki ŭ Śniežnym raźmiaścili na kupale carkvy ahniavy punkt, a na terytoryi carkvy — minamiotnyja raźliki.
Kamientary