U Centrvybarkamie Biełarusi pakul nie bačać padstaŭ dla praviadzieńnia prezidenckich vybaraŭ u sakaviku-krasaviku 2015 hoda, zajaviŭ sakratar CVK Mikałaj Łazavik, kamientujučy inicyjatyvu Libieralna-demakratyčnaj partyi Biełarusi ab praviadzieńni vybaraŭ viasnoj nastupnaha hoda.
Svaju prapanovu pryznačyć vybary na sakavik-krasavik 2015 hoda ŭ ŁDP rastłumačyli tym, što heta «aptymalnaja data praviadzieńnia vybaraŭ pa mnohich pryčynach, i samaje hałoŭnaje — u hety čas udzieł u vybarach voźmie maksimalnaja kolkaść vybarščykaŭ».
«Takaja prapanova nie supiarečyć zakanadaŭstvu, ale pavinny być važkija padstavy», — zajaviŭ Łazavik. Jon padkreśliŭ, što terminy praviadzieńnia vybaraŭ ustanaŭlivaje zakanadaŭstva. «Jak praviła, vybary i parłamienta, i prezidenta, i deputataŭ miascovych savietaŭ pryznačajucca dzieści bližej da krajniaj daty (mahčymaha praviadzieńnia). Pieranos u nas u historyi ažyćciaŭlaŭsia na dosyć vialiki pieryjad — bolš za miesiac, było takoje, ale dla hetaha patrebnyja padstavy. Na siońniašni dzień ja takich padstaŭ naohuł nie baču», — skazaŭ sakratar CVK.
Pavodle jaho słoŭ, nastupnyja prezidenckija vybary, kali aryjentavacca na patrabavańni zakanadaŭstva, pavinny adbycca vosieńniu 2015 hoda. «Vosień — heta dosyć zručny pieryjad, asabliva kali data pryznačajecca ŭžo paśla zakančeńnia sielskahaspadarčaha hoda, kali asnoŭnyja palavyja sielhasraboty zavieršany. A tam jakraz tak i miarkujecca. Tamu prapanovy mohuć być roznyja, maje prava kožny hramadzianin i palityčnaja partyja vykazać svajo mierkavańnie. A rašeńnie budzie prymać parłamient», — skazaŭ Łazavik.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie2
Kamientary