Alaksandr Łukašenka miarkuje, što ZŠA datyčnyja da kanfliktu va Ukrainie.
Pra heta jon zajaviŭ u intervju viadučamu prahramy «Viesti v subbotu» na telekanale «Rasija 1» Siarhieju Brylovu.
«Treba mieć na ŭvazie, i heta hałoŭnaje, što stvorana vielizarnaja varonka, i tam pajšli vichravyja patoki, jakija ŭ hetuju varonku ŭciahvajuć Rasiju i nas. U čyich heta intaresach? Vam tłumačyć nie treba. I ŭžo nie ŭ intaresach jeŭrapiejcaŭ, — adznačyŭ Alaksandr Łukašenka. — Heta «dziadźka Sem» z-za akijana pastajanna padšturchoŭvaje nas da hetaj bojni…
I, davajcie adkryta, va Ukrainie šmat palitykaŭ, jakija vyrazna vykonvajuć hety zakaz «.
«Nam treba adyści ad hetaj varonki. Bo amierykancy tam vajavać nie buduć suprać nas i Rasii (tak, najomniki pojduć i hetak dalej i da taho padobnaje), jany chočuć našymi rukami pierabić našych ludziej. A va Ukrainie — tam našy ludzi»,— skazaŭ kiraŭnik biełaruskaj dziaržavy.
«Što ž my sutykajem ludziej tut? My pavinny, pierš za ŭsio palityki, stać voś tak na raździalalnuju hetuju liniju i spynić vajnu», — ličyć biełaruski lidar.
Što da minskaj sustrečy 26 žniŭnia, Alaksandr Łukašenka adznačyŭ, što amierykanski bok uchvaliŭ farmat jaje praviadzieńnia, ale pryniać u joj udzieł nie prasiŭsia. «Moža być, im i nie treba było pryjazdžać, bo ich intaresy achoŭvajuć u Jeŭropie adpaviednyja ludzi,
u tym liku i Ketryn Eštan, ja dumaju, jana nie rabiła ničoha suprać voli Amieryki.
Vy bačycie, što Jeŭropa ciapier, jak by jana ni kruciłasia, ni kruciłasia, ale taja ž Mierkiel, Ałand i inšyja vymušanyja iści ŭ farvatery palityki Złučanych Štataŭ Amieryki. Heta taksama nie sakret», - skazaŭ kiraŭnik Biełarusi.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie23
Kamientary